گوادر میں سرچ آپریشن کے دوران بھاری اسلحہ برآمد

بلوچستان کے ساحلی شہر گوادر میں پولیس نے کارروائی کرتے ہوئے پہاڑی علاقے سے اسلحہ اور دیگر سامان برآمد کرلیا۔

پولیس کے مطابق خفیہ اطلاع پر ڈی آئی جی مکران غلام اظفر میسراور ایس ایس پی گوادر طارق الہی مستوئی کی خصوصی ہدایت پر پولیس نے گوادر کے پہاڑی علاقہ گروک میں کاروائی کرکے بھاری مقدار میں راکٹ لانچرز، آر پی جی اور دیگر اسحلہ برآمد کرکے تخریب کاری کا منصوبہ ناکام بنادیا۔

سی آئی اے پولیس انچارج خالد حسین مینگل کے مطابق نامعلوم دہشت گرد اسلحہ پہاڑی علاقے میں چھپا رکھا تھا جو تخریب کاری کے غرض سے استعمال کرنا چاہتے تھے۔

خالد حسین مینگل کا کہنا تھا کہ پولیس نے بروقت کاروائی کرکے علاقے کو ایک بڑے تباہی سے بچاکر تخریب کاری کا منصوبہ ناکام بنادیا۔