کوشش ہے فروری کے آخر تک فائیو جی اسپیکٹرم کی نیلامی کر دیں،شزا فاطمہ

اسلام آباد:پاکستان میں فائیو جی کی لانچنگ سے متعلق بڑی پیشرفت سامنے آئی ہے۔

تفصیلات کے مطابق وفاقی وزیر مملکت برائے انفارمیشن ٹیکنالوجی(آئی ٹی) شزا فاطمہ نے کہا کہ کوشش ہے فروری کے آخر تک فائیو جی اسپیکٹرم کی نیلامی کر دیں، نیلامی کے بعد تھری جی اور فور جی سروس بہتر ہو جائے گی۔

وفاقی حکومت نے فائیو جی اسپیکٹرم کی نیلامی رمضان میں کرنے کا فیصلہ کیا ہے، نیلامی کے بعد چھ ماہ کے اندر بڑے شہروں میں فائیو جی سروسز لانچ کرنے کا منصوبہ ہے۔

وزیر مملکت کا مزید کہنا تھا کہ 6 ماہ میں بڑے شہروں میں فائیو جی سروس لانچ کرنے کی کوشش کریں گے، پی ٹی اے اسٹیک ہولڈرز سے کوالٹی آف سروس، رول آؤٹ شرائط پر مشاورت کر رہی ہے۔