چیئرمین پی ٹی آئی نے صحافی عمران ریاض کی گرفتاری کی شدید مذمت کر دی

سماجی رابطے کی ویب سائیٹ ٹوئیٹر پر جاری پیغام میں سابق وزیر اعظم نے اینکر پرسن کی گرفتار کی مذمت کرتے ہوئے کہا کہ ہماری قوم کو بدمعاشوں پر مشتمل امپورٹڈ حکومت کےسامنے جھکانےکے لیے ملک فسطائیت کے سپرد کیا جا رہا ہے۔

سابق وزیر اعظم نے اپنے ٹوئیٹ میں کہا کہ یہی وقت ہے کہ ہر شخص خصوصاً اہلِ قلم و صحافت (میڈیا) یکجا ہوکر اس فسطائیت کے خلاف کھڑے ہوں۔

I strongly condemn the arbitrary arrest of @ImranRiazKhan by Punjab police tonight. The country is descending into fascism just to make our nation accept an Imported Govt comprising of mega crooks. It is time for everyone, esp the media, to unite & stand up against this fascism.

— Imran Khan (@ImranKhanPTI) July 5, 2022

واضح رہے کہ سینئر اینکر پرسن عمران ریاض خان کو پشاور سے اسلام آباد جاتے ہوئے پولیس کی جانب سے اسلام آباد ٹول پلازہ پر گرفتار کیا گیا ہے، پولیس کے مطابق عمران ریاض کے خلاف پنجاب کی حدود اٹک میں ایف آئی آردرج ہے۔

سوشل میڈیا پر صحافیوں، تحریک انصاف کے رہنماؤں اور دیگر صارفین کی جانب سے عمران ریاض خان کی گرفتاری کی شدید مذمت کی جا رہی ہے۔

رہنما تحریک انصاف اسد عمر نے کہا کہ عمران ریاض خان کی گرفتاری قابلِ مذمت ہے، رائے کے اظہار کا جواب دلیل سے دیا جاتا ہے گرفتاری سے نہیں۔

پی ٹی آئی فرخ حبیب نے عمران ریاض کی گرفتاری کی مذمت کرتے ہوئے کہا کہ اختلاف رائے کو ایسے طاقت کے زور پر دبایا نہیں جاسکتا۔