وزیراعظم کی معروف سماجی کارکن عبدالستار ایدھی کی برسی پر خراج عقیدت

تفصیلات کے مطابق پرائم منسٹر آفس کے آفیشل ٹوئیٹر اکاؤنٹ سے جاری پیغام میں کہا گیا ہے کہ وزیراعظم شہباز شریف نے معروف سماجی کارکن عبدالستار ایدھی کی برسی پر انہیں خراج خراج عقیدت پیش کیا ہے۔

وزیر اعظم نے کہا کہ عبدالستار ایدھی نے مخلوق کی خدمت کرکے اللہ رب العزت کی خوشنودی حاصل کی، اللہ تعالیٰ ان پر انسانیت کے اس بے لوث خدمت پر اپنی رحمتوں کا نزول فرمائے۔

وزیر اعظم ہاؤس سے جاری پیغام میں کہا گیا کہ عبدالستار ایدھی فخر پاکستان ہیں جنہوں نے تمام عمر انسانیت کی پرخلوص خدمت میں گزار دی۔

وزیر اعظم نے مزید کہا کہ عبدالستار ایدھی نے یتیموں اور بے سہاروں کی سرپرستی کر کے انہیں معاشرے میں بے آسرا ہونے سے بچایا، مرحوم اور مرحومہ بلقیس ایدھی کا خدمت خلق کا مشن جاری ہے جو ان کے لیے صدقہ جاریہ ہے.