احسن اقبال کیخلاف نعرے لگانے والی فیملی نے گھر جا کر ان سے معذرت کرلی

سماجی رابطے کی ویب سائیٹ ٹوئیٹر پر جاری پیغام میں وفاقی وزیر برائے منصوبہ بندی و ترقی احسن اقبال نے کہا کہ بھیرہ واقعہ میں ملوث فیملی نے نارووال آ کر ملاقات میں اپنے عمل پر معذرت کی ہے۔

انہوں نے کہا کہ واقعہ میں ملوث فیملی پچھتاوے اور شرمندگی کا اظہار بھی کیا ہے، میں پہلے ہی ان کے خلاف قانونی چارہ جوئی نہ کرنے کا اعلان کر چکا تھا۔

وفاقی وزیر احسن اقبال نے اپنے پیغام میں مزید کہا کہ ہم سب پاکستانی ہیں، ہمیں ایک دوسرے سے اختلاف کے حق کو نفرت میں تبدیل نہیں کرنا اور باہمی احترام قائم رکھنا ہے۔

بھیرہ واقعہ میں ملوث فیملی نے نارووال آ کر ملاقات میں اپنے عمل پر معذرت کی،پچھتاوے اور شرمندگی کا اظہار کیا۔میں پہلے ہی ان کیخلاف قانونی چارہ جوئی نہ کرنے کا اعلان کر چکا تھا۔ہم سب پاکستانی ہیں ایک دوسرے سے اختلاف کے حق کو نفرت میں تبدیل نہیں کرنا اور باہمی احترام قائم رکھنا ہے۔ pic.twitter.com/Ck1z4YNqxs

— Ahsan Iqbal (@betterpakistan) July 10, 2022

یاد رہے کہ ایک دن پہلے پنجاب کے شہر بھیرہ میں احسن اقبال کو ایک ریسٹورنٹ میں دیکھ کر وہاں موجود کچھ خواتین نے ان کے خلاف نعرے لگانا شروع کر دیے تھے۔