"دھمکیاں دے کر، ریاستی مشینری استعمال کر کے معذرت کروا لینے سے کیا آپ چور نہیں رہیں گے ''

رہنما تحریک انصاف شہباز گل نے احسن اقبال کے ٹوئیٹ کو ری ٹوئیٹ کرتے ہوئے کہا کہ ان بیچاروں پر پریشر ڈلوا کر، دھمکیاں دے کر اور ریاستی مشینری کا استعمال کر کے معذرت کروا لینے سے کیا آپ چور نہیں رہیں گے؟۔

شہباز گل نے کہا کہ آپ چور ہیں اور رہتی دنیا تک دنیا آپ کو اسی تعارف سے جانے گی، آپ کتنے چھوٹے آدمی ہیں کہ پریشر ڈال کر گھر آئے لوگوں، وہ بھی ایک خاتون کی معذرت پر شیخی مار رہے ہیں۔

اس قبل وفاقی وزیر برائے منصوبہ بندی و ترقی احسن اقبال نے کہا کہ بھیرہ واقعہ میں ملوث فیملی نے نارووال آ کر ملاقات میں اپنے عمل پر معذرت کی ہے۔

انہوں نے کہا کہ واقعہ میں ملوث فیملی پچھتاوے اور شرمندگی کا اظہار بھی کیا ہے، میں پہلے ہی ان کے خلاف قانونی چارہ جوئی نہ کرنے کا اعلان کر چکا تھا۔

وفاقی وزیر احسن اقبال نے اپنے پیغام میں مزید کہا کہ ہم سب پاکستانی ہیں، ہمیں ایک دوسرے سے اختلاف کے حق کو نفرت میں تبدیل نہیں کرنا اور باہمی احترام قائم رکھنا ہے۔

ان بیچاروں پر پریشر ڈلوا کر۔ دھمکیاں دے کر۔ ریاستی مشینری استعمال کر کے معزرت کروا لینے سے کیا آپ چور نہیں رہیں گے ؟ آپ چور ہیں اور رہتی دنیا تک دنیا آپکو اسی تعارف سے جانے گی۔

آپ کتنے چھوٹے آدمی ہیں کہ پریشر ڈال کر گھر آئے لوگوں وہ بھی ایک خاتون کی معذرت پر شیخی مار رہے ہیں۔ https://t.co/vd30hg0jXW

— Dr. Shahbaz GiLL (@SHABAZGIL) July 10, 2022