امریکا : شاپنگ مال میں فائرنگ، 3 افراد ہلاک

غیر ملکی  میڈیا کے مطابق فائرنگ کا واقعہ شاپنگ مال کے فوڈ کورٹ میں پیش آیا ،  حملہ آور کو قریب موجود شہری نے بروقت کارروائی کرتے ہوئے  گولی  ماردی۔

فائرنگ کے واقعے میں حملہ آور سمیت  3افراد ہلاک جبکہ 2زخمی ہوئے ہیں ۔ 

امریکی میڈیا کے مطابق ملزم اکیلا ہی تھا اور اس نے شاپنگ مال میں داخل ہوتے ہی فائرنگ شروع کردی تھی ، پولیس نے تاحال ملزم کی شناخت ظاہر نہیں کی۔

یاد رہے کہ حال ہی میں امریکی سینیٹ نے ملک میں فائرنگ کے واقعات کی روک تھام کے لیے گن کنٹرول بل منظور کیا تھا ۔ 

امریکی گن  وائلنس آرکائیو رپورٹ کے مطابق اس سال امریکا  میں فائرنگ کے واقعات میں اضافہ دیکھنے میں آیا ہے اور تقریبا 350 بڑے واقعات  رپورٹ  ہوئے ہیں ۔