عاطف اسلم کا شادی کی سالگرہ پر اہلیہ کیلئے محبت بھرا پیغام

گلوکار عاطف اسلم اپنی میٹھی اور سحر انگیز آواز کی وجہ سے  پاکستان سمیت دنیا بھر میں جانے جاتے ہیں۔ حا ل ہی   میں عاطف اسلم نے اپنی شادی کی 8ویں سالگرہ کے موقع پر اپنےانسٹاگرام اکاؤنٹ پر اہلیہ کے ہمراہ اپنی نئی تصویر شیئر کی ہے۔ شیئر کی گئی تصویر میں عاطف اسلم اور اُن کی اہلیہ باغ  میں  دلفریب ماحول سے لطف اندوز ہورہے ہیں۔ عاطف اسلم نے تصویر کے عنوان میں اہلیہ کو مخاطب کرتے ہوئے لکھا کہ ’میری ملکہ! مجھے اب بھی اس بات کی خوشی ہے کہ آپ مجھ سے ملیں ورنہ میری پتا نہیں کس سے شادی ہوجانی تھی۔‘

انہوں  نے لکھا کہ ’ ماشاءاللہ ،آپ میری زندگی کی سب سے مضبوط شخصیت ہو ۔عاطف اسلم نے  اپنی اور اپنے دونوں بیٹوں کی طرف سے اہلیہ سے اظہارِ محبت کرتے ہوئے لکھا کہ " ہم آپ سے بہت محبت کرتے ہیں"۔ پوسٹ کے آخر میں عاطف اسلم نے اہلیہ  سارہ بھروانہ کو شادی کی سالگرہ کی مبارکباد بھی دی۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Atif Aslam (@atifaslam)

عاطف اسلم کی جانب سےانسٹاگرام پر شیئر کی گئی  اس تصویر کو لاکھوں کی تعداد میں صارفین  پسند کرچکے ہیں۔

واضح رہے کہ گلوکار عاطف اسلم اور سارہ بھروانہ سال 2013ء میں رشتۂ ازدواج میں منسلک ہوئے تھے۔عاطف اسلم اور اُن کی اہلیہ سارہ بھروانہ کے ہاں پہلے بیٹے احد  کی پیدائش 2014 میں ہوئی تھی ۔گلوکار کے ہاں دوسرے بیٹے کی پیدائش سال 2019 میں ہوئی ۔