لاڈلے کو فائدہ پہنچانے کے لیے آج نئی تشریح کی گئی:مریم نواز

سماجی رابطے کی ویب سائٹ پر جاری بیان میں مریم نواز نے کہا کہ موجودہ سیاسی انتشار اور عدم استحکام اس عدالتی فیصلے سے شروع ہوتا ہے۔

انہوں نے کہا کہ بذریعہ عدالتی فیصلہ آئین کی من مانی تشریح کرتے ہوئے مرضی کے ووٹ دینے والوں کے ووٹ نہ گننے کا حکم جاری ہوا۔

موجودہ سیاسی انتشار اور عدم استحکام کا سلسلہ اس عدالتی فیصلے سے شروع ہوتا ہے جس کے ذریعے آئین کی من مانی تشریح کرتے ہوئے اپنی مرضی سے ووٹ دینے والوں کے ووٹ نہ گننے کا حکم جاری ہوا ۔آج اس کی ایک نئی تشریح کی جا رہی ہے تاکہ اب بھی اسی لاڈلے کو فائدہ پہچنے جسے کل پہنچا تھا!نا منظور!

— Maryam Nawaz Sharif (@MaryamNSharif) July 23, 2022

ن لیگی نائب صدر نے مزید کہا ’آج آئین کی نئی تشریح کی جارہی ہے تاکہ اب بھی اُسی لاڈلے کو فائدہ پہنچے، جسے کل پہنچا تھا، نامنظور!۔‘

اُن کا کہنا تھا کہ اگر انصاف کے ایوان بھی دھونس، دھمکی، گالیوں کے دباؤ میں آکر بار بار ایک ہی بینچ کے ذریعے مخصوص فیصلے کرتے ہیں۔

اگر انصاف کے ایوان بھی دھونس، دھمکی،بدتمیزی اور گالیوں کےدباؤ میں آ کر بار بار ایک ہی بنچ کے ذریعے مخصوص فیصلے کرتےہیں،اپنے ہی دیے فیصلوں کی نفی کرتے ہیں،سارا وزن ترازو کے ایک ہی پلڑے میں ڈال دیتے ہیں تو ایسے یکطرفہ فیصلوں کے سامنے سر جھکانے کی توقع ہم سے نا رکھی جائے۔بہت ہو گیا!

— Maryam Nawaz Sharif (@MaryamNSharif) July 23, 2022

مریم نواز نے یہ بھی کہا کہ اپنے ہی دیے فیصلوں کی نفی، سارا وزن ایک ہی پلڑے میں ڈال دیتے ہیں۔

انہوں نے کہا کہ ’ایسے یکطرفہ فیصلوں کے سامنے سر جھکانے کی توقع ہم سے نہ رکھی جائے، بہت ہوگیا!‘