مون سون کےتیسرےاسپیل کی کراچی میں انٹری

تفصیلات کے مطابق چیف میٹرولوجسٹ سردار سرفراز نے کراچی میں موسم کی صورت حال سے آگاہ کرتے ہوئے بتایا ہے کہ مون سون کےتیسرےاسپیل کی کراچی میں انٹری ہو چکی ہے۔

سندھ کے مختلف علاقوں میں موسلادھار بارش کا سلسلہ جاری ہے جبکہ کراچی میں رات کوبارش کاسلسلہ کسی وقت بھی شروع ہوسکتا ہے،موجودہ مون سون اسپیل سےکراچی میں آج رات ہلکی معتدل بارش متوقع ہے۔

شہرمیں گرج چمک کے ساتھ کہیں درمیانےدرجے،کہیں تیز بارش کا امکان، پورادن وقفے وقفے سے یہ سلسلہ جاری رہےگا،مون سون کایہ اسپیل پچھلےدونوں اسپیل سےطاقتور ہے۔

چیف میٹرولوجسٹ نے کراچی میں منگل تک گرج چمک کے ساتھ موسلادھار بارش کا امکان ظاہر کیا ہے، بارش کے دوران تیز گرد آلود ہواؤں کے ساتھ آندھی چلنے کا بھی امکان ہے۔

بارش سے قبل 50 تا 70 کلومیٹر فی گھنٹہ کی رفتار سے ہوا کے جھکڑ چل سکتے ہیں، شہر میں موسلا دھار بارشوں کے باعث اربن فلڈنگ کا بھی خدشہ ظاہر کیا گیا ہے۔

مزید برآں تیز ہواؤں اور آندھی کی صورت میں کمزوراملاک کو نقصان کے ممکنہ خدشے کے پیش نظرمتعلقہ اداروں کواحتیاطی تدابیراختیارکرنےاورہائی الرٹ رہنے کی ہدایت بھی کر دی گئی ہے۔