دوسرا ٹیسٹ: سری لنکا کا ٹاس جیت کر بیٹنگ کا فیصلہ

گال انٹرنیشنل اسٹیڈیم میں پاکستان اور سری لنکا کی کرکٹ ٹیموں کے مابین دوسرا ٹیسٹ میچ شروع ہو چکا ہے جس میں سری لنکا نے ٹاس جیت کر بیٹنگ کا فیصلہ کیا ہے۔

پاکستان ٹیم میں 2 تبدیلیاں کی گئی ہیں، اظہر علی کی جگہ فواد عالم اور انجری کے شکار شاہین شاہ آفریدی کی جگہ نعمان علی کو ٹیم کا حصہ بنایا گیا ہے۔

اس سے قبل 20 جولائی کو ہونے والے میچ میں شاہینوں نے 342 رنز کا ریکارڈ ہدف حاصل کر کے سری لنکا کے خلاف ٹیسٹ 4 وکٹوں سے جیتا تھا، دو ٹیسٹ میچوں کی سیریز میں قومی ٹیم کو 0-1 سے برتری حاصل ہے۔