سپریم کورٹ کیلئے چیف جسٹس کے نامزد کردہ 5 ججز کے نام مسترد

میڈیا رپورٹس کے مطابق سپریم کورٹ کے لیے چیف جسٹس آف پاکستان جسٹس عمر عطا بندیال کی جانب سے نامزد کیے گئے 5 ججز پر جوڈیشل کمیشن کے ارکان میں اختلاف رائے سامنے آنے پر کمیشن کے ممبران میں ووٹنگ کروائی گئی۔

9 رکنی جوڈیشل کمیشن میں سے5 ووٹ مخالفت جبکہ 4 حق میں پڑے،جسٹس قاضیٰ فائز عیسیٰ، جسٹس طارق مسعود، اٹارنی جنرل اور وزیرقانون نے مخالفت میں ووٹ دیا۔

سندھ کے 2 ججز سے متعلق جسٹس ریٹائرڈ سرمد جلال عثمانی نے بھی مخالفت میں ووٹ دیا،جسٹس ریٹائرڈ سرمد جلال عثمانی نے 2 نامزدگیوں کی مخالفت جبکہ 3 کے حق میں ووٹ دیا۔

دوسری طرف چیف جسٹس آف پاکستان جسٹس عمر عطا بندیال، جسٹس سجاد علی شاہ اور جسٹس اعجاز الاحسن نے نامزدگیوں کے حق میں ووٹ دیا۔