جشن آزادی کی تقریبات،حکومت نے ملی نغموں کا مقابلہ اور کنسرٹ مؤخر کردیا

سماجی رابطے کی ویب سائیٹ ٹوئیٹر پر جاری پیغام میں مریم اورنگزیب نے کہا جشن آزادی کی ڈائمنڈ جوبلی تقریبات کے سلسلے میں ڈی چوک میں آج منعقدہ ملی نغموں کا مقابلہ اور کنسرٹ مؤخر کردیاگیا ہے۔

اپنے پیغام میں وفاقی وزیر اطلاعات کا کہنا تھا کہ ملک بھر بالخصوص بلوچستان میں شدید بارشوں اور سیلاب کی وجہ سے متاثرہ عوام کے ساتھ یکجہتی کے اظہار کے طور پر ملی نغموں کا مقابلہ اور کنسرٹ مؤخر کیا گیا ہے۔

ALERT ? ملک بھر بالخصوص بلوچستان میں شدید بارشوں اور سیلاب کی وجہ سے متاثرہ عوام کے ساتھ یک جہتی کے اظہار کے طور پر جشن آزادی کی ڈائمنڈ جوبلی تقریبات کے سلسلے میں ڈی چوک میں آج منعقدہ ملی نغموں کا مقابلہ اور کنسرٹ موخر کردیاگیا ہے۔

— Marriyum Aurangzeb (@Marriyum_A) July 28, 2022