الیکشن کمیشن نے مردہ قرار دیئے گئے ایک لاکھ 15 ہزار 100 ووٹرز کو زندہ تسلیم کر لیا

اس ضمن میں جاری دستاویزات کے مطابق پہلی تصدیقی مہم میں 32 لاکھ 8 ہزار 895 ووٹرز کو مردہ قرار دیا گیا تھا، دوبارہ تصدیقی مہم میں 30 لاکھ 93 ہزار 877 ووٹرز مردہ قرار پائے ہیں۔

دستاویزات میں انکشاف ہوا کہ مردہ قراردیئےگئے ووٹرز کو ٹائپنگ غلطی کی وجہ سے لسٹ میں شامل کیا گیا تھا، دوبارہ تصدیق کے بعد ووٹرز کو انتخابی فہرست میں شامل کردیا گیا ہے۔

الیکشن کمیشن نے تمام فیلڈ دفاتر کو ووٹرز لسٹوں کو رینڈم چیکنگ اور حتمی اشاعت 25 اگست کو یقینی بنانے کی ہدایت کر دی۔