تحریک انصاف کا 14 اگست کو اسلام آباد میں جلسے کا اعلان

میڈیا رپورٹس کے مطابق چیئرمین پاکستان تحریک انصاف عمران خان کی زیرصدارت سیاسی کمیٹی کا اجلاس ہوا جس میں موجودہ سیاسی صورتحال پر غور کیا گیا۔

اجلاس میں اسلام آباد میں جلسے کے اعلان سے متعلق مشاورت بھی کی گئی جس کے بعد شرکاء نے فیصلہ کیا کہ 14 اگست کو اسلام آباد  پریڈ گراؤنڈ میں پارٹی کے زیر اہتمام جلسہ ہوگا۔

بتایا گیا ہے کہ سیاسی کمیٹی کے اجلاس میں ممبران اسمبلی کے استعفوں سے متعلق پاکستان تحریک انصاف کی قانونی حکمت عملی پر بریفنگ بھی دی گئی۔