پاکستان کے یوم آزادی کی ڈائمنڈ جوبلی منانے کیلئے تیاریاں جاری

گلگت بلتستان اورآزادجموں وکشمیر سمیت ملک بھر میں 14اگست کو یوم آزادی کی ڈائمنڈ جوبلی تقریبات منانے کی تیاریاں تیزی سے جاری ہیں۔

اس حوالے سے عمارتوں کوقومی پرچموں ، جھنڈیوں ، برقی قمقموں اورروشنیوں سے سجایاجارہا ہے، لوگ اپنی گاڑیوں اور چھتوں پرقومی پرچم لہرا رہے ہیں۔

آزادی کی تیاریوں میں اہم سڑکوں پرسٹالز لگائے گئے ہیں جن میں پرچم ، ٹوپیاں، سفید اور سبزملبوسات اوردیگر اشیاء موجود ہیں۔