Advertisement
پاکستان

امریکی سفیر کا دورہ کراچی: ملاقاتوں میں باہمی تعلقات کیلئے تعاون کا اظہار

امریکی سفیر ڈونلڈ بلوم نے کراچی کے دو روزہ دورے کے دوران امریکا اور پاکستان کے درمیان معاشی اشتراک اور باہمی تعلقات کو مزید مستحکم بنانے کیلئے بھرپور تعاون کا اظہار کیا۔

GNN Web Desk
شائع شدہ 3 years ago پر Aug 14th 2022, 12:37 am
ویب ڈیسک کے ذریعے
امریکی سفیر کا دورہ کراچی: ملاقاتوں میں باہمی تعلقات کیلئے تعاون کا اظہار

امریکی سفیر نے اپنے  دورے کے دوران سندھ اور بلوچستان کے وزراء اعلیٰ، وفاقی وزیر برائے بحری امور، ایڈمنسٹریٹرکراچی اور کمانڈر پاک بحریہ پاکستان فلیٹ (کامپاک)، پاکستانی حکام، تجارتی نمائندگان، توانائی صنعتوں کے سربراہان اور دیگر کاروباری و تجارتی نمائندگان سے ملاقاتیں کیں۔

اپنے دورے کے دوران امریکی سفیر نے سندھ اور بلوچستان میں بارشوں اور سیلاب کی وجہ سے ہونے والے نقصانات کے ازالے، متاثرین کی بحالی اور امداد کیلئے امریکا کی جانب سے نئی مالی امداد کی مد میں 10 لاکھ ڈالرز جاری کرنے کا اعلان کیا۔

انہوں نے کہا کہ اس امداد سے نہ صرف سندھ میں زراعت سے وابستہ طبقے کو مستحکم بنانے میں مدد ملے گی، بلکہ قدرتی آفات سے نمٹنے سے متعلق پاکستانی اداروں کی صلاحیت میں بھی اضافہ ہوگا، تاکہ سندھ، خیبرپختونخواہ اور گلگت بلتستان میں آنے والی تباہ کاریوں سے بروقت نمٹا جا سکے۔ 
امریکی سفیر ڈونلڈ بلوم کا کہنا تھا کہ کراچی پاکستان کا معاشی مرکز ہونے کے ساتھ توانائی کی بے پناہ صلاحیتوں سے بھرپور شہر ہے، اس شہر کا دوبارہ دورہ کرنے کا موقع ملنے پر بے انتہا خوشی ہوئی۔

اپنے دورے کے موقع پر امریکی سفیر ڈونلڈ بلوم کا کہنا تھا کہ اس سال ہم امریکا اور پاکستان کے درمیان باہمی تعلقات کے  75 سال مکمل ہونے کا جشن منا رہے ہیں، اس موقع پر دونوں ممالک میں تجارتی شراکتداری، سرمایہ کاری، توانائی، صحت، سکیورٹی، تعلیم اور دیگر شعبہ جات میں تعاون بڑھانے کی خواہش کا اظہار کرتے ہیں۔

انہوں نے کہا کہ امریکی حکومت پاکستان اورامریکا کے درمیاں تعلقات مزید مضبوط کرنے کیلئے پرعزم ہے، تا کہ دونوں ممالک کی اقوام کے مستحکم، محفوظ اور خوشحال مستقبل کی حوصلہ افزائی ہو سکے۔

ان کا کہنا تھا کہ 2021 میں باہمی تجارت کا حجم بڑھ کر تقریباً 9 ارب ڈالر ہوگیا ہے، امریکا کو پاکستان کیلئے سب سے بڑی برآمدی مارکیٹ اور بیرونی سرمایہ کاری کے حوالے سے بہت بڑے ذریعے کی حیثیت حاصل ہے، گذشتہ سالوں میں امریکا کی براہ راست سرمایہ کاری میں 50 فیصد اضافہ ہوا ہے۔

امریکی سفیر کا کہنا تھا کہ امریکی کمپنیز اور ان کے مقامی شراکت دار پاکستان میں سب سے زیادہ ملازمتوں کے مواقع مہیا کرنے والوں میں شامل ہیں، جبکہ تقریباً 80 امریکی کمپنیوں کی جانب سے ایک لاکھ 25 ہزار پاکستانیوں کو بلواسطہ اور 10 لاکھ سے زائد پاکستانیوں کو بلاواسطہ ملازمتیں دی گئی ہیں۔ 
انہوں نے کہا کہ 2021 میں امریکی فرمز کی جانب سے پاکستان میں کارپوریٹ سماجی ذمیداری کے تحت 5.7 ملین ڈالرز سے زائد کی سرمایہ کاری کی گئی۔

اپنے دو روزہ دورے کے دوران امریکی سفیر نے مزار قائد پر حاضری دی اور آزادی کے 75 سال مکمل ہونے پر بانی پاکستان محمد علی جناح کے مزار پر پھول رکھے۔

اس موقع پر انہوں نے کہا کہ قائد اعظم محمد علی جناح نے پاکستان بشمول پڑوسی ممالک میں امن سمیت پاکستان میں مذہبی رواداری، معاشی و معاشرتی استحکام کا تصور پیش کیا، امریکا کو بانی پاکستان کی ان تصورات کا بے حد احترام ہے،  ہم امریکی عوام کے طرف سے پاکستان کو آزادی کے 75 سال مکمل ہونے پر دل کی گہرائیوں سے مبارکباد پیش کرتے ہیں۔

امریکی سفیر نے  اپنے دورے کے موقع پر لیاقت میموریل لائبریری کراچی کے لنکن کارنر میں اسٹارٹ اپ لیب کا افتتاح کیا،  پورٹ قاسم  اور  سندھ ایکسپلوریشن و ایڈوینچر سوسائٹی کے نمائندگان کے ہمراہ فریئر حال کراچی کا دورہ بھی کیا جبکہ اقلیتوں کے عالمی دن کے موقع پر انہوں نے کراچی میں اقلیتی برادریوں کے مندوبین سے بھی ملاقاتیں کی۔

Advertisement
ایبٹ آباد: تیز رفتارجیپ گہری کھائی میں جاگری، 5افراد جاں بحق،متعدد زخمی

ایبٹ آباد: تیز رفتارجیپ گہری کھائی میں جاگری، 5افراد جاں بحق،متعدد زخمی

  • 17 hours ago
سہیل آفریدی صرف اڈیالہ کا مجاور بننے کیلئے وزیراعلیٰ بنا ہے، عظمیٰ بخاری

سہیل آفریدی صرف اڈیالہ کا مجاور بننے کیلئے وزیراعلیٰ بنا ہے، عظمیٰ بخاری

  • 13 hours ago
لالی وڈ سپر سٹار ماہرہ خان کی شوہر کے ہمراہ فلم ’’ نیلو فر‘‘ کے پریمیئر  میں انٹری

لالی وڈ سپر سٹار ماہرہ خان کی شوہر کے ہمراہ فلم ’’ نیلو فر‘‘ کے پریمیئر  میں انٹری

  • 14 hours ago
اسلام آباد سمیت ملک کے دیگر اضلاع میں موسم سرد اور خشک رہنے کا امکان

اسلام آباد سمیت ملک کے دیگر اضلاع میں موسم سرد اور خشک رہنے کا امکان

  • 16 hours ago
فواد خان اور ماہرہ خان کی فلم ’’نیلو فر‘‘ سینما گھروں کی زینت بن گئی،رنگا رنگ پریمیر کا انعقاد

فواد خان اور ماہرہ خان کی فلم ’’نیلو فر‘‘ سینما گھروں کی زینت بن گئی،رنگا رنگ پریمیر کا انعقاد

  • 18 hours ago
راولپنڈی: امن وامان کی صورتحال کے پیش نظر اڈیالہ جیل کے اطراف سکیورٹی ہائی الرٹ 

راولپنڈی: امن وامان کی صورتحال کے پیش نظر اڈیالہ جیل کے اطراف سکیورٹی ہائی الرٹ 

  • 16 hours ago
حزب اللہ کا اسرائیل سے سنئیر کمانڈر کی شہادت کا بدلہ لینے کا اعلان 

حزب اللہ کا اسرائیل سے سنئیر کمانڈر کی شہادت کا بدلہ لینے کا اعلان 

  • 12 hours ago
سری لنکا میں سائیکلون ڈِٹواہ نے تباہی مچادی، 46 افراد جاں بحق،متعدد لاپتا

سری لنکا میں سائیکلون ڈِٹواہ نے تباہی مچادی، 46 افراد جاں بحق،متعدد لاپتا

  • 17 hours ago
پاکستان 27-2026 کیلئے ای سی او وزرائے خارجہ کونسل کا چیئرمین منتخب

پاکستان 27-2026 کیلئے ای سی او وزرائے خارجہ کونسل کا چیئرمین منتخب

  • 13 hours ago
بانی پی ٹی آئی سے ملاقات نہ کرانے پرعلیمہ خان نے توہین عدالت کی درخواست دائر کر دی

بانی پی ٹی آئی سے ملاقات نہ کرانے پرعلیمہ خان نے توہین عدالت کی درخواست دائر کر دی

  • 18 hours ago
پاکستان ہائی کمیشن کی کوششوں سے بھارتی جیلوں سے 3 پاکستانی شہری رہا

پاکستان ہائی کمیشن کی کوششوں سے بھارتی جیلوں سے 3 پاکستانی شہری رہا

  • 14 hours ago
فافن نے 23 نومبر کے ضمنی انتخابات کے حوالےسے رپورٹ جاری کردی

فافن نے 23 نومبر کے ضمنی انتخابات کے حوالےسے رپورٹ جاری کردی

  • 16 hours ago
Advertisement