وزیرِ اعظم کا جنوبی سندھ میں سیلاب سے جانی و مالی نقصان پردکھ کا اظہار، متاثرین کی فوری امداد کی ہدایت

تفصیلات کے مطابق   وزیرِ اعظم  شہباز  شریف نے پی ڈی ایم اے ، این ڈی ایم اےاور صوبائی حکومت کو فوری طور پر متاثرہ علاقوں میں امدادی کارروائیاں تیز کرنے کی ہدایت کی ہے۔

وزیراعظم نے کہاکہ سیلابی صورتحال میں پہلی ترجیح متاثرہ لوگوں کا ریسکیو اور ان کی فوری امداد ہے۔

وزیرِ اعظم نے ہدایت کی کہ متاثرین کو فوری طور پر 50 ہزار روپے فی خاندان فراہم کیا جائے ۔ متاثرین کو کھانے اور صاف پانی کی فوری فراہمی یقینی بنائی جائے۔

وزیراعظم نے کہا کہ متاثرین کو رہائش اور طبی سہولیات کی فوری فراہمی یقینی بنائی جائے۔

وزیرِ اعظم نے ملک کے باقی حصوں میں بھی بارشوں کے نتیجے میں متوقع سیلابی صورتحال سے نبٹنے کیلئے متعلقہ اداروں کو تیار رہنے کی بھی ہدایت کی۔