گجرات کو ڈویژن کا درجہ دے دیا گیا

تفصیلات کے مطابق وزیراعلیٰ پنجاب چودھری پرویزالہیٰ نے دیرینہ مطالبہ پورا کرتے ہوئے ضلع گجرات کو ڈویژن کا درجہ دے دیا ہے۔

گورنر پنجاب بلیغ الرحمان نے گجرات کو ڈویژن قرار دینے کی منظوری دے دی ہے جس پر پنجاب حکومت نے ضلع گجرات کو ڈویژن کا درجہ دینے کا نوٹیفیکیشن جاری کردیا ہے۔

ضلع گجرات اس سے پہلے گوجرانوالہ ڈویژن کا حصہ تھا، پنجاب حکومت کی جانب سے ضلع گجرات کو ڈویژن کا درجہ دینے کے بعد پنجاب میں ڈویژنز کی تعداد 10 ہوگئی ہے۔

میڈیا رپورٹس کے مطابق گجرات ڈویژن کا ہیڈ کوارٹر بھی گجرات کو قرار دے دیا گیا ہے، ڈویژن میں 3 اضلاع گجرات، منڈی بہاالدین اور حافظ آباد شامل ہوں گے۔

اس حوالے سے رہنما مسلم لیگ ق مونس الٰہی نے اپنے ایک ٹوئیٹ میں کہا کہ گجرات پنجاب کی 10ویں ڈویژن بن گیا ہے۔

گجرات پنجاب کی 10ویں ڈویژن بن گیا، الحمداللہ! پاکستان کا درمیانی اور چھوٹی صنعتوں کا سب سے بڑا ھب اور ذراعت کا اہم ترین مرکز اب ترقی کی نئی راہوں پر بھرپور رفتار سے آگے بڑھے گا، انشاءاللہ! #GujratDivision pic.twitter.com/iFcXPLhEOZ

— Moonis Elahi (@MoonisElahi6) August 18, 2022

انہوں نے کہا کہ پاکستان کا درمیانی اور چھوٹی صنعتوں کا سب سے بڑا ہب اور ذراعت کا اہم ترین مرکز اب ترقی کی نئی راہوں پر بھرپور رفتار سے آگے بڑھے گا۔