قطر کا اہم دورہ مکمل کر کے آج پاکستان واپس آرہا ہوں : وزیراعظم

تفصیلات کے مطابق سماجی رابطے کی سائٹ ٹوئٹر پر جاری مرحلہ   وار  پیغامات  میں  وزیراعظم شہباز شریف نے پرتپاک خیرمقدم، بہترین میزبانی پر قطری حکومت، عوام اور شیخ تمیم بن حمد الثانی کا شکریہ ادا کیا۔

وزیر اعظم کا کہنا ہے کہ دورۂ قطر کے 2 اہم پہلو قابل ذکر ہیں، پاکستان اور قطر مستقبل کے بارے میں واضح وژن رکھتے ہیں ۔

ان کا کہنا تھا کہ تیزی سے بدلتی دنیا میں نئے مواقع سامنے آرہے ہیں ، دونوں ملک تعلقات کے لیے معاشی تعاون کو مرکزی حیثیت دینے کی ضرورت سے آگاہ ہیں۔

First, Pakistan & Qatar have a clear vision of the future, one that offers new opportunities & avenues in a swiftly changing world. Second, there is a greater awareness of the need for upgrading the bilateral relations by making economic cooperation the pivot of bilateral ties.

— Shehbaz Sharif (@CMShehbaz) August 25, 2022

واضح رہے کہ وزیرِ اعظم شہباز شریف قطر کے امیر شیخ تمیم بن حمد الثانی کی دعوت پر قطر کے 2 روزہ دورے پر منگل (23 اگست) کو دوحہ پہنچے تھے۔