افغانستان سےدرآمد ہونے والے پھلوں اور میوہ جات پر کسٹم ڈیوٹی بڑھادی گئی

کسٹم حکام کے مطابق کسٹم  ڈیوٹی اور ٹیکسز کا نفاذ ہوچکا ہے جو 21 فروری 2023ء تک  نافذ العمل  رہے گا۔

سیب  پر فی ٹن 59 ہزار، انگورکی  فی ٹن درآمد پر 42ہزار 811 روپے ڈیوٹی بڑھادی گئی۔ انار پر60ہزار 842 ، خوبانی پر 33 ہزار 527 روپے ڈیوٹی بڑھائی گئی ہے۔

تاجر برادری نے ٹیکسز میں اضافے کو مسترد کرتے ہوئے  احتجاج کیا ہے ان کا کہنا ہے کہ افغانستان سے پھللوں  درآمد روک دی گئی ہے۔ طور خم بارڈر پر تازہ  پھوں کی سیکڑوں گاڑیاں کھڑی ہیں۔

تاجر برادری نے مطالبہ کیا ہے کہ کسٹم ڈیوٹی کو کم کرکے تجارت کو فروغ دیا جائے۔

واضح رہے کہ پاکستان میں سیلاب کے باعث  پھلوں کے باغات اور فصلیں تباہ ہو چکی ہیں۔  درآمد پر اضافی ٹیکسز کے باعث پھلوں کی قیمتیں 50 سے 100 فیصد اضافہ ہو جائے گا۔