پولیس نے  کچھ دیر پہلے اڈیالہ جیل میں عمران خان سے ملاقات کے لیے جانے والے افراد کو گرفتاری کے بعد رہا کر دیا ہے۔

واضح رہے کہ کچھ دیر قبل پولیس نے اڈیالہ جیل سے باہر تحریک انصاف کے رہنماوؤں کو گرفتار کیا تھا۔

پولیس نے  تحریک انصاف کے رہنماؤں کو اڈیالہ جیل کے باہر سے گرفتار کیا تھا۔

گرفتار افراد میں  اپوزیشن لیڈر عمر ایوب، اسد قیصر، سینیٹ میں قائدحزب اختلاف شبلی فراز اور سنی اتحاد کونسل کے سربراہ  صاحبزادہ حامد رضا شامل تھے، جن کو پولیس ن اڈیالہ چوکی منتقل کر دیا تھا۔

 جبکہ اس موقع پولیس کی جانب سے پنجاب اسمبلی میں اپوزیشن  لیڈر ملک احمد خان بچھر کو حراست میں لیا گیا تھا۔

 گلگت بلتستان کے علاقے استور سے راولپنڈی  جانیوالی باراتیوں کی کوسٹر دریا میں گرگئی ہے، جس میں 25 افراد سوار تھے، حادثے میں جاں بحق افراد کی تعداد 18 ہو گئی ہے۔
ابتدائی اطلاعات کے مطابق دریا سے 4 خواتین سمیت 12 افراد کی لاشیں نکال لی گئی ہیں، جبکہ ایک لڑکی زخمی حالت میں ملی ہے، جسے  ہسپتال منتقل کردیا گیا ہے، زخمی لڑکی مبینہ طور دلہن بتایا گیا ہے، جبکہ 10 لاپتا افراد کی تلاش کیلئے امدادی کارروائیاں جاری ہیں۔
حادثے کے باعث قریب ترین  ہسپتال اور گلگت سب ڈویژن جگلوٹ میں سول ہسپتال کے عملے کو الرٹ رہنے کی ہدایات دی گئی ہیں۔
گلگت بلتستان حکومت کے ترجمان نے میڈیا کو بتایا کہ راولپنڈی جانے والی باراتیوں کی کوسٹر کو تھلیچی پل کے قریب حادثہ پیش آیا اور دریا میں جاگری۔
دوسری جانب وزیراعلیٰ گلگت بلتستان حاجی گلبر نے باراتیوں کی بس کو پیش آنے والے حادثے پر دکھ اور افسوس کا اظہار کرتے ہوئے ہدایات دی ہیں کہ ریسکیو آپریشن تیز کیا جائے۔
ریسکیو ورکرز کی جانب سے لاشوں کی تلاش کیلئے آپریشن جاری ہے اور جائے حادثہ پر ڈپٹی کمشنر دیامر سمیت دیگر حکام بھی موجود ہیں۔  

پاکستان بحریہ کے سربراہ  ایڈمرل نوید اشرف سے رائل مراکش فضائیہ کے انسپکٹر نےملاقات کی،ملاقات کے دوران باہمی دلچسپی کے امور اور علاقائی میری ٹائم سیکیورٹی صورتحال پر تبادلہ خیال کیا گیا۔
آئی ایس پی آر کی جانب سے جاری کیے گئے  بیان کے مطابق رائل مراکش فضائیہ کے انسپکٹر  میجر جنرل محمد غادی نے نیول ہیڈکوارٹرز اسلام آباد کا دورہ کیا۔
آئی ایس پی آر کی جانب سے بتایا گیا کہ معزز مہمان نے خطے میں میری ٹائم سکیورٹی کے حوالے سے پاک بحریہ کی مستقل کوششوں اور بلند عزم کا اعتراف کیا۔
اس موقع پر پاک بحریہ کےسربراہ  کا کہنا تھا کہ پاکستان اور مراکش کے درمیان بڑھتے ہوئے باہمی اقتصادی تعلقات اور کثیرالجہتی فورمز پر تعاون پر مبنی خوشگوار تعلقات ہیں .