8 ستمبرپاک بحریہ کی تاریخ میں ایک سنہری باب ہے : نیول چیف 

آج یوم بحریہ پراپنے پیغام میں بحریہ کے سربراہ نے کہاکہ یہ دن پاک بحریہ کے شہداء اورغازیوں کی قربانیوں کی یاد دلاتا ہے جو انیس سوپینسٹھ کی جنگ کے دوران مضبوط اور بے خطرجذبے سے سرشارتھے۔

سومناتھ آپریشن کے دوران سات بڑے جنگی جہازوں پرمشتمل پاک بحریہ کے بیڑے نے بھارتی بندرگاہ Dwarka پرزبردست بمباری کی اوراس کاریڈارسسٹم تباہ کردیا۔

انہوں نے کہاکہ پاک بحریہ علاقائی حالات سے پوری طرح آگاہ ہے اور کسی بھی ہنگامی صورتحال کامقابلہ کرنے کے لئے ہروقت تیارہے۔

بحریہ کے سربراہ نے کہاکہ پاک بحریہ جدید ٹیکنالوجی حاصل کررہی ہے تاکہ اسے مستقبل میں مزیدمستعد،موثر اورپائیدارفورس میں تبدیل کیا جاسکے۔