وزیراعظم ایس سی اواجلاس میں شرکت کیلئے کل سے ازبکستان کادورہ کرینگے 

تفصیلات کے مطابق شنگھائی تعاون تنظیم کے رکن اور مبصر ملکوں کے رہنمائوں سمیت ایس سی او کی ذیلی تنظیموں کے سربراہان اور دوسرے مہمانانِ خصوصی اجلاس میں شرکت کریں گے۔

شنگھائی تعاون تنظیم کے رہنما موسمیاتی تبدیلی ، غذائی تحفظ، توانائی کے تحفظ اور پائیدار رسد سمیت اہم علاقائی اور عالمی معاملات پر تفصیلی تبادلہ خیال کریں گے ، وہ ان معاہدوں اور دستاویزات کی بھی منظوری دیں گے جن سے تنظیم کے رکن ملکوں کے درمیان مستقبل میں تعاون کی راہ متعین ہو گی۔

وزیر اعظم سربراہ اجلاس میں شرکت سمیت سربراہان مملکت کی کونسل کے اجلاس کے موقع پر دوسرے رہنمائوں سے دوطرفہ ملاقاتیں بھی کریں گے۔