جنوبی کوریا نے گوگل اور میٹا پر بھاری جرمانہ عائد کردیا 

بین الاقوامی خبرایجنسی کے مطابق پرسنل انفارمیشن پروٹیکشن کمیشن نے بیان جاری کرتے ہوئے بتایا ہے کہ گوگل اور میٹا کو مشترکہ طور پر 100  ملین ڈالر جرمانہ ادا کرناہوگا۔

ایک سرکاری بیان کے مطابق، کمیشن نے گوگل کو 69.2 بلین   وون  ($49.8 ملین) اور میٹا 30.8 بلین وون جرمانہ کیا۔

گوگل اور میٹا پر الزام ہے کہ انہوں نے صارفین کی ذاتی معلومات بغیر اجازت استعمال کی ہیں تاہم گوگل اور میٹا کا جنوبی کوریا کی جانب سے جرمانے کی سزا پر کوئی ردعمل سامنے نہیں آیا۔

پرسنل انفارمیشن پروٹیکشن کمیشن کے پینل کے مطابق صارفین کی معلومات  اکٹھی  کرتے وقت دونوں فرمز نے  انہیں پیشگی آگاہ نہیں کیا تھا کہ وہ صارفین کی ذاتی معلومات کیوں  جمع  کررہے ہیں۔

یہ جرمانہ ذاتی معلومات کے تحفظ کے قانون کی خلاف ورزیوں پر عائد کی جانے والی اب تک کی سب سے زیادہ رقم ہے۔