وزیر اعظم ملکہ برطانیہ کی آخری رسومات میں شرکت کریں گے

ملکہ برطانیہ الزبتھ دوم  کی آخری رسومات 19 ستمبر پیر کو ویسٹ منسٹر ایبے میں دن 11 بجے ادا کی جائیں گی۔

وزیراعظم شہباز شریف سمیت دنیا بھرسے 500 سربراہان مملکت اور وفود ملکہ برطانیہ الزبتھ دوم کی آخری رسومات میں شریک ہوں گے۔

امریکی صدر جوبائیڈن  بھی آخری رسومات میں شریک ہوں گے۔ سعودی  عرب کے شاہ سلمان بن عبدالعزیز سمیت دنیا بھر کے  شاہی خاندانوں کو  آخری رسومات میں شرکت کی دعوت دی گئی ہے۔

الزبتھ دوم کی آخری رسومات میں روس، افغانستان، ایران، بیلاروس اور میانمار سمیت کئی ملکوں کے رہنماؤں کو دعوت نہیں دی گئی۔