مسلم لیگ ن پی ڈی ایم میں پڑنے والی پھوٹ سےفائدہ اٹھائے گی:عمران یعقوب خان

جی این این کے پروگرام "ویو پوائنٹ" میں سینئر صحافی اور تجزیہ کار عمران یعقوب خان نے انکشاف کرتے ہوئے کہا ہے کہ مسلم لیگ (ن) پاکستان ڈیموکریٹک موومنٹ (پی ڈی ایم) کے اندر پیپلز پارٹی  کے ساتھ پڑنے والی پھوٹ سے کافی خوش اور مطمئن ہے۔

انہوں نے کہا کہ مسلم لیگ (ن) کے لئے بہتر ہے کہ وہ پنجاب میں پیپلز پارٹی کو سپورٹ فراہم کرنے کے بجائے اکیلی اڑان اڑے، جس کے ذریعے پیپلز پارٹی مزید طاقتور ہوسکتی تھی اس سے بہتر ہے کہ مسلم لیگ ن پنجاب میں اکیلےاڑان لے۔

عمران یعقوب خان نے مزید بتایا کہ  حمزہ شہباز نے بھی پارٹی کارکنوں اور قائدین سے دوبارہ رابطہ قائم کرنا شروع کردیا ہے۔ مسلم لیگ (ن) کی نئی پالیسی کے مطابق ، اب پارٹی وقت کو ضائع نہیں کرے گی اور کسی دوسری پارٹی کے لئے میدان خالی نہیں چھوڑے گی۔ انہوں نے مزید کہا کہ  مسلم لیگ (ن) نے بھی اگلے انتخابات کی تیاری شروع کردی ہے۔

ن لیگ کی نئی حکمت عملی۔۔۔ مریم کی لندن روانگی۔۔۔ واقفان حال کی بڑی خبر @imranyaqubkhan @pmln_org @MaryamNSharif #ViewPoint #GNN pic.twitter.com/FUoWeb7rHf

— GNN (@gnnhdofficial) April 2, 2021

انہوں نے انکشاف کیا کہ مسلم لیگ ن اپنے نمائندوں کے علاوہ جنوبی پنجاب سے تعلق رکھنے والے پیپلز پارٹی (پی پی پی) کے ناراض ممبران  اور پی ڈی ایم میں دراڑ پڑنے کے بعد پریشان ہونے والے افراد سے ملاقات کی منتظر ہے۔

لہذامسلم لیگ (ن) موجودہ صورتحال کو اپنی کمزوری بنانے کی بجائے اپنی طاقت بنانے جا  رہی ہے۔