اسد عمر نے برطانیہ کے پاکستان کو ریڈلسٹ کرنے پر سوال اٹھا دیا

تفصیلات کے مطابق سماجی رابطے کی ویب سائٹ ٹوئٹر پر جاری   ایک بیان میں وفاقی وزیر منصوبہ بندی اور این سی اوسی سربراہ اسد عمر نے برطانوی فیصلے پر سوال اٹھایا ہے، انہوں نے کہا   کہ ہر ملک کو اپنے شہریوں کی صحت کی حفاظت کے لیے فیصلے کرنے کا حق ہے۔برطانیہ کی جانب سے پاکستان سمیت کچھ ممالک کو ریڈ لسٹ میں شامل کیا گیا ہے۔  اسد عمر نے  مزید کہا کہ اس فیصلے سے  یہ سوال پیدا ہوتا ہے کہ کیاجن ممالک کو ریڈ لسٹ میں شامل کیا گیا ہے  ان کا انتخاب سائنس کو مدِ نظر رکھتے ہوئے کیا گیا ہے یا خارجہ پالیسی کو؟

Every country has a right to take decisions to safeguard the health of their citizens. However, the recent decision by UK govt to add some countries including Pakistan on the red list raises a legitimate question whether choice of countries is based on science or foreign policy pic.twitter.com/BAzaW1Lc8l

— Asad Umar (@Asad_Umar) April 3, 2021

واضح رہےکہ کورونا کے بڑھتے کیسز کے پیش نظر برطانیہ نے پاکستان کو سفری پابندیوں کی ریڈ لسٹ میں شامل کیا ہے۔برطانوی حکومت نےپاکستان، بنگلہ دیش اور کینیا پر سفری پابندی لگا دی ہے جبکہ  ریڈ لسٹ میں شامل ملکوں سے یا ان ملکوں کا دس دن کے دوران سفر کرنے والوں کے برطانیہ داخلے پر پابندی ہوگی۔

 رپورٹ کے مطابق سفری پابندیوں کی ریڈلسٹ میں شامل ممالک سے صرف برطانوی اور آئرش شہریوں کو ملک میں داخلے کی اجازت ہو گی، ریڈلسٹ میں شامل ممالک سے برطانیہ آنے والے برطانوی شہریوں کو 10 دن قرنطینہ کرنا ہو گا۔