چغتائی لیبارٹری میں کورونا ویکسینیشن کا آغاز

تفصیلات کے مطابق  لاہور کی نجی لیبارٹری  میں کورونا ویکسینیشن کا آغاز کردیا گیا،  نجی لیب میں آج رات سے ویکسینیشن کا آغاز ہوگا۔ نجی لیب میں روسی ویکسین سپوٹنک لگائی جائے گی، 12250 روپے میں ویکسین کی دو خوراکیں لگیں گی۔

سی ای او چغتائی لیب کا کہنا ہے کہ  18 سال سے زائد عمر کے افراد ویکسین لگواسکیں گے۔

واضح رہے کہ حکومت    پاکستان نے 10 مارچ سے  60 سال سے زائد عمر کے افراد کیلئے کورونا ویکسینیشن شروع کی تھی  اور اس کے بعد 30 مارچ  سے  50 سال سے زائد عمر کے افراد کی ویکسینیشن شروع ہوئی ۔

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق گزشتہ 24 گھنٹوں میں کورونا سے مزید84 افراد چل بسے جس کے بعد اموات کی مجموعی تعداد 14 ہزار697 ہوگئی ہےجبکہ  متاثرہ افراد کی مجموعی تعداد 6 لاکھ 82 ہزار 888 ہو گئی ہے ۔ ملک بھرمیں فعال کیسز کی تعداد 56 ہزار 347  ہے ۔ این سی او سی کے مطابق ملک میں کورونامثبت کیسزکی شرح 9.4فیصدرہی ۔

پنجاب

پنجاب میں کورونا مریضوں کی تعداد  2 لاکھ 28 ہزار 356 ہوگئی جبکہ صوبے میں اب تک 6 ہزار485افراد جان سے ہاتھ دھو بیٹھے ہیں ۔

سندھ

سندھ میں کورونا وائرس سے سب سے زیادہ متاثرہ مریضوں کی تعداد  2 لاکھ 66 ہزار 173 ہوگئی جبکہ صوبے میں اب تک 4 ہزار 504 افراد جان کی بازی ہار گئے ۔

خیبرپختون خوا

خیبرپختون خوا میں کورونا وائرس سے متاثرہ مریضوں کی تعداد90 ہزار  262ہوچکی ہے ۔ صوبے میں 2382افراد چل بسے۔

بلوچستان

بلوچستان میں کورونا وائرس کے اب تک 19 ہزار 679کیسز رپورٹ ہوئے ہیں جبکہ صوبے میں 209 مریض چل بسے ۔

اسلام آباد

وفاقی دارالحکومت اسلام آباد میں مجموعی طورپرمتاثرہ افراد کی تعداد 60 ہزار 197جبکہ اموات کی تعداد572 تک جاپہنچی ۔

گلگت بلتستان

گلگت بلتستان میں اب تک 5 ہزار 045افراد کورونا کا شکار ہوئے ہیں جبکہ 103افراد جان سے ہاتھ دھو بیٹھے ۔

آزاد کشمیر

آزاد جموں کشمیرمیں کورونا سےمتاثرہ افراد کی تعداد 13 ہزار376ہوچکی ہے جبکہ358 افراد جان کی بازی ہار گئے ۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق  ملک بھر میں اب تک 6لاکھ9ہزار691مریض کورونا کو شکست دے چکے ہیں ۔  این سی اوسی کے مطابق  ملک میں24گھنٹےمیں کوروناکے50ہزار186ٹیسٹ کیےگئے ہیں ۔  ملک کے 631ہسپتالوں  میں  کورونا کے 3901  مریض  زیرعلاج ہیں ۔

خیال  رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا ۔