ٹی ٹوئنٹی ورلڈ کپ :   نیوزی لینڈ کا آسٹریلیا کو جیت کیلئے 201 رنز کا ہدف

سڈنی میں ہونے والے میچ میں آسٹریلیا کی قیادت ایرون فنچ جبکہ نیوزی لینڈ کی قیادت کین ولیمسن کررہے ہیں ۔ ٹاس کے موقع پر کین ولیمسن نے کہا کہ بارش ہونے کا امکان ہے اس لیے پہلے فیلڈنگ کا فیصلہ کیا ،  ہم ٹاس جیت جاتے تو پہلے بولنگ کو ترجیح دیتے۔

ٹی ٹوئنٹی ورلڈ کپ کے سپر 12 مرحلے کے دوسرے میچ میں آج انگلینڈ اور افغانستان پرتھ میں مد مقابل ہوں گے۔

ٹی ٹوئنٹی ورلڈ کپ کے پہلے مرحلے میں کوالیفائنگ میچز کھیلے گئے ، ٹورنامنٹ کے لیے کل 8 ٹیموں کو دو گروپس ( گروپ اے اور گروپ بی ) میں تقسیم کیا گیا ۔

پہلے مرحلے کے اختتام پر چار ٹیموں کو مین راؤنڈ سپر 12 کے لیے کوالیفائی کرنا تھا۔گروپ اے کی ٹاپ ٹیم اور گروپ بی میں دوسرے نمبر پر آنے والی ٹیم نے مین راؤنڈ کے گروپ 1میں جگہ بنانی تھی۔

اس طرح کوالیفائنگ راؤنڈ میں گروپ بی کی ٹاپ ٹیم اور گروپ اے میں دوسرے نمبر پر آنے والی ٹیم نے مین راؤنڈ کے گروپ 2 میں شامل ہونا تھا۔

تاہم پہلے مرحلے کے اختتام پر سری لنکا اور آئرلینڈ نے سپر 12 مرحلے کے گروپ 1 میں جگہ بنالی ہے جبکہ زمبابوے اور نیدرلینڈز گروپ 2 میں شامل ہوگئے ہیں۔