• GNN
Advertisement
پاکستان

سینئر صحافی و اینکر ارشد شریف کینیا میں گولی لگنے سے جاں بحق 

کراچی : سینئر صحافی و اینکر ارشد شریف   کی اہلیہ جویریہ صدیق کاکہنا ہے کہ ارشد شریف کینیا میں گولی لگنے سے جاں بحق ہو گئے ہیں ۔

GNN Web Desk
شائع شدہ 4 years ago پر Oct 24th 2022, 2:09 pm
ویب ڈیسک کے ذریعے
سینئر صحافی و اینکر ارشد شریف کینیا میں گولی لگنے سے جاں بحق 

تفصیلات کے مطابق ارشد شریف  کی اہلیہ جویریہ صدیق کا کہنا ہے کہ پولیس کے مطابق ارشد شریف کو کینیا میں گولی ماری گئی۔

ارشد شریف کی موقت کی تصدیق ان کی اہلیہ کی جانب سے ٹوئٹر پر کر دی گئی ہے ، جویریہ صدیقی نے ٹوئٹ میں لکھا کہ آج میں نے اپنا دوست، شوہر اور پسندیدہ صحافی کھو دیا ہے۔ انہوں نے کہا کہ پولیس نے انھیں بتایا ہے کہ ارشد شریف کو کینیا میں مار دیا گیا ہے، انہوں نے اپیل بھی کہ  پرائیویسی کا خیال رکھا جائے ، ارشد شریف کی اسپتال کی کوئی تصاویر نہ جاری کی جائیں۔

 

اس حوالے سے ترجمان دفتر خارجہ کا کہنا ہے  کہ ارشد شریف کا واقعہ انتہائی افسوسناک  ہے ،   اس وقت مزید کوئی تفصیل نہیں ہے، ہائی کمیشن حکام سے مزیدمعلومات حاصل کر رہے ہیں۔

ذرائع کے مطابق کینیا کی مقامی پولیس کی جانب سے واقعے کی تحقیقات جاری ہے۔ ارشد شریف کچھ روز پہلے دبئی سے لندن بھی گئے تھے اور پھر کینیا چلے گئے تھے۔

ارشد شریف کو 23 مارچ 2019 میں صحافت میں ان کی خدمات کی بنا پر صدر پاکستان سے پرائیڈ آف پرفارمنس ایوارڈ ملا تھا۔

سینئر صحافیوں کی جانب  سے بھی  ارشد شریف کی کینیا میں موت  کے حوالے سے  دکھ اور غم کا اظہار کیا جارہا ہے ۔

جی این این کے سینئر صحافی اور تجزیہ کار عارف حمید بھٹی نے اپنے پیارے دوست کی اچانک موت کو ناقابل یقین قرار دے دیا ۔ انہوں نے  سلسلہ وار ٹویٹس میں سوگوار خاندان کے لیے دلی دکھ اور صدمے  کا اظہار کیا۔ 

 

Advertisement
آپ کو یہ پسند آسکتا ہے
رجحانات
Advertisement