امریکی گلوکار ایرن کارٹر انتقال کر گئے

غیر ملکی خبر رساں ادارے کے مطابق ایرن کارٹر کیلیفورنیا کے علاقے لنکاسٹر میں اپنی رہائش گاہ میں ٹب میں مردہ پائے گئے۔

پولیس  ترجمان کا کہنا ہے کہ پولیس اہلکار صبح 10 بج کر 58 منٹ پر کارٹر کے گھر گئے تو انہیں ایک لاش ملی۔

7 دسمبر 1987 کو ٹمپا، فلوریڈا میں پیدا ہونے والے فنکار نے سات سال کی عمر میں پرفارم کرنا شروع کیا ، 1997 میں نو سال کی عمر میں انہوں نے  اپنا پہلا البم ریلیز کیا۔ 

وقت کے ساتھ ساتھ گلوکار کی موسیقی ماند پڑنے لگی لیکن وہ عوام کی نظروں میں رہے، وہ  کئی ریئلٹی شوز اور آف براڈوے پروڈکشنز میں  منظر عام پر آئے ، اور کچھ نیا میوزک آن لائن  بھی ریلیز کیا۔

گلوکار قانونی پیچیدگیوں اور ذہنی صحت کے مسائل سے دوچار تھے ۔ 

ایرن کارٹر نے ایک چائلڈ پاپ اسٹار کے طور پر آئی وانٹ کینڈی جیسے گانوں سے شہرت حاصل کی تھی۔