جی این این سوشل

پاکستان

  سپریم کورٹ کے 3 نئے ججز نے حلف اُٹھا لیا

اسلام آباد: سپریم کورٹ آف پاکستان میں 3 نئے ججز نے اپنے عہدے کا حلف اٹھا لیا۔

پر شائع ہوا

کی طرف سے

  سپریم کورٹ کے 3 نئے ججز نے حلف اُٹھا لیا
جی این این میڈیا: نمائندہ تصویر

جی این این  کے مطابق چیف جسٹس پاکستان عمر عطاء بندیال نے تینوں ججز سے حلف لیا ۔ حلف اٹھانے والوں میں جسٹس اطہر من اللّٰہ، جسٹس حسن اظہر رضوی اور جسٹس شاہد وحید شامل ہیں۔ 

جسٹس اطہر من اللّٰہ اس سے قبل اسلام آباد ہائی کورٹ کے چیف جسٹس رہ چکے ہیں۔

 سپریم کورٹ حلف برداری تقریب میں ججز، وکلاء، لاء افسران اور عدالتی افسران و عملہ نے شرکت کی۔ 

پاکستان

کشکو ل توڑ دیا ہے ، وزیر اعظم کاایس آئی ایف سی اجلاس میں اظہار خیال

وزیر اعظم نے کہا کہ اب تجارتی و معاشی تعاون کو اہمیت دے رہے ہیں، دوست ممالک نے بھی ایس آئی ایف سی کے اقدامات کو سراہا ہے، غیر ملکی سرمایہ کاری کی راہ میں حائل کوئی سرخ فیتہ برداشت نہیں

پر شائع ہوا

ویب ڈیسک

کی طرف سے

کشکو ل توڑ دیا ہے ، وزیر اعظم کاایس آئی ایف سی اجلاس میں اظہار خیال

 

اسلام آباد :  وزیراعظم پاکستان  شہباز  شریف کی زیر صدارت ایس آئی ایف سی کی اپیکس کمیٹی کا دسواں اجلاس  وزیراعظم  ہاؤس میں ہوا جس میں سرمایہ کاری کے اقدامات  پر بات چیت کی گئی اور اطمینان کا اظہار کیا گیا ۔ 

ایپکس کمیٹی کے اجلاس میں آرمی چیف جنرل عاصم منیر، نائب وزیراعظم اور  وزیر خارجہ اسحاق ڈار ، وفاقی وزیر اطلاعات، وزیر خزانہ محمد  اورنگزیب،  وزیر داخلہ محسن نقوی،  وزیر دفاع خواجہ آصف،  وزیر توانائی اویس لغاری  اور  دیگر شریک  ہوئے۔

اجلاس میں وزیر اعلیٰ خیبر پختونخوا علی امین گنڈا پور، وزیر اعلیٰ پنجاب مریم نواز، وزیر اعلیٰ سندھ مراد علی شاہ اور وزیر اعلیٰ بلوچستان سرفراز بگٹی بھی شریک ہوئے ۔ 

وزیر اعظم شہباز شریف نے کہا ہے کہ صوبائی حکومتوں کو ایس آئی ایف سی میں ساتھ لیکر چل رہے ہیں اور  آئندہ بھی ساتھ لے کر چلیں گے ، انہوں نے کہا کہ غیر ملکی سرمایہ کاری کیلئے  دورہ یو اے ای انتہائی کامیاب رہا،  انہوں نے کہا کہ یو اے ای نے 10 ارب ڈالر یو اے ای قیادت نے پاکستان میں سرمایہ کاری کے لیے مختص کردیئے ہیں۔

انہوں نے کہا کہ اب پاکستان کے حالات مزید بہتری کی جانب گامزن ہیں اور  ہم نے کشکول توڑ دیا ہے ، اب تجارتی و معاشی تعاون کو اہمیت دے رہے ہیں، دوست ممالک نے بھی ایس آئی ایف سی کے اقدامات کو سراہا ہے، غیر ملکی سرمایہ کاری کی راہ میں حائل کوئی سرخ فیتہ برداشت نہیں۔

واضح رہے کہ چاروں صوبوں کے چیف سیکرٹریز  بھی اجلاس میں موجود تھے۔

پڑھنا جاری رکھیں

پاکستان

 سی ڈی اے کی جانب سے مرکزی سیکرٹریٹ گرانے پر پی ٹی آئی عدالت پہنچ گئی

سی ڈی اے نے تجاوزات کے خلاف  آپریشن کے دوران  پی ٹی آئی سیکرٹریٹ کے  ایک حصے کو  گرا دیا تھا اور تحریک انصاف کا دفتر بھی سیل کردیا تھا

پر شائع ہوا

ویب ڈیسک

کی طرف سے

 سی ڈی اے کی جانب سے مرکزی سیکرٹریٹ گرانے  پر پی ٹی آئی  عدالت پہنچ گئی

اسلام آباد : پی ٹی آئی  نے اسلام آباد میں  اپنے مرکزی سیکرٹریٹ کو  سیل کیے جانے  اور  سی ڈی اے کی جانب سے  آپریشن اور توڑ پھوڑ کے خلاف  اسلام آباد ہائیکورٹ  سے  رجوع کرلیا۔ 

تفصیلات کے مطابق پی ٹی آئی نے مرکزی سیکرٹریٹ سیل کرنے کے خلاف درخواست جنرل سیکرٹری پی ٹی آئی عمر ایوب نے شعیب شاہین اور عمیربلوچ کے ذریعے دائر کی گئی ہے ۔

درخواست  میں کیپیٹل ڈیویلپمنٹ اتھارٹی (سی ڈی اے) کی جانب  سے مرکزی سیکرٹریٹ سیل کرنے کا حکم نامہ کالعدم قرار  دینےکی استدعا کی گئی، درخواست میں سیکرٹری داخلہ، چیف کمشنر، چیئرمین سی ڈی اے  اور   آئی جی اسلام آباد کو  فریق بنایا گیا۔ 

واضح رہے  کہ دو روز قبل سی ڈی اے نے تجاوزات کے خلاف  آپریشن کے دوران  پی ٹی آئی سیکرٹریٹ کے  ایک حصے کو  گرا دیا تھا اور تحریک انصاف کا دفتر بھی سیل کردیا تھا۔

واضح رہے کہ سی ڈی اے نے تحریک انصاف کے دفتر کو سیل کرنے کا حکم نامہ بھی چسپاں کیا تھا۔

پڑھنا جاری رکھیں

پاکستان

پاکستانی ایتھلیٹ مونا خان کو رہا کر دیا گیا

پاکستانی ایتھلیٹ مونا خان کو یونان کی حکومت کی جانب سے ماونٹ اولمپیئس پر  پاکستانی جھنڈا لہرانے پر گرفتار کیا گیا تھا

پر شائع ہوا

ویب ڈیسک

کی طرف سے

پاکستانی ایتھلیٹ مونا خان  کو  رہا کر دیا گیا

پاکستانی ایتھلیٹ مونا خان کو یونان کی حکومت کی جانب سے جیل سے رہا کردیا گیا ہے ، مونا خان کٹرینی سے ایتھنز روانہ ہوگئیں۔

ترجمان دفتر خارجہ ممتاز زہرا بلوچ نے مونا خان کی یونان کی جیل سے رہائی کی تصدیق کی اور کہا کہ پاکستانی ایتھلیٹ ایتھنز کےلیے روانہ ہوئی ہیں، جہاں وہ اپنے بیٹے کے پاس جائیں گی۔

واضح رہے کہ پاکستانی ایتھلیٹ مونا خان کو یونان کی حکومت کی جانب سے ماونٹ اولمپیئس پر  پاکستانی جھنڈا لہرانے پر گرفتار کیا گیا تھا ۔ 

پڑھنا جاری رکھیں

ٹرینڈنگ

Take a poll