میلبورن میں بارش : پاکستانی ٹیم کاٹریننگ سیشن انڈور ہوگا

تفصیلات کے مطابق چیئرمین پی سی بی رمیز راجہ بھی فائنل دیکھنے کیلئے میلبورن پہنچ گئے ہیں ۔ انہوں نے میلبورن کرکٹ گراؤنڈ میں کھلاڑیوں سے ملاقات بھی کی۔ 

چیئرمین پی سی بی رمیزراجہ نے اس موقع پر کہا کہ پاکستان کو نیدرلینڈکا شکریہ اداکرنا پڑے گا ،  بھارت سے فائنل ہوتاتو بڑافائنل میچ ہونا تھا، انگلینڈ ٹیم سے حال ہی میں ہوم سیریزکھیل چکے ہیں۔

رمیزراجہ کا مزید کہناتھا کہ ٹیم سے فینز کوبہت امیدیں ہیں، مشکل صورتحا ل میں پاکستانی ٹیم ایک بن کر رہی ہے۔

پاکستان اور انگلینڈ اتوار کو فائنل معرکے میں ٹکرائیں گے  ، فائنل میچ کے موقع پر محکمہ موسمیات کی جانب سے بارش کی پیشگوئی کی گئی ہے۔