آرمی چیف کی تعیناتی : صدرمملکت عمران خان سے ملنے  لاہور پہنچ گئے 

ایوانِ صدر  ذرائع   کے مطابق   صدر عارف علوی آج 4 بجے سہ پہر عمران خان سے زمان پارک میں ملاقات کریں گے۔

ذرائع نے یہ بھی بتایا ہے کہ صدر عارف علوی اور عمران خان کی ملاقات میں اہم تعیناتی کا معاملہ زیرِ غور آئے گا ۔  صدر عارف علوی پی ٹی آئی چیئرمین عمران خان سے افواج پاکستان کی اہم ترین تقرری کے معاملے پر مشاورت کریں گے۔

وفاقی حکومت اج صدر مملکت کو اہم ترین تقرری بارے سمری ارسال کرچکی ہے۔ 

واضح رہے کہ وفاقی حکومت نے لیفٹیننٹ جنرل عاصم منیر کو بطور آرمی چیف تعینات کرنے کا فیصلہ کر لیا ہے ۔  لیفٹیننٹ جنرل ساحر شمشاد چیئرمین جوائنٹ چیفس آف اسٹاف کمیٹی ہوں گے۔