نیویارک: نگراں وزیراعظم انوار الحق کاکڑ نے جمعہ کو عالمی برادری پر زور دیا کہ وہ ہندوتوا سے متاثر انتہاپسندوں سمیت تمام دہشت گردوں کا بلا امتیاز مقابلہ کرے۔ 

جمعہ کو نیویارک میں اقوام متحدہ کی جنرل اسمبلی کے 78ویں اجلاس سے خطاب کرتے ہوئے انہوں نے نشاندہی کی کہ انتہائی دائیں بازو کے انتہا پسند اور فاشسٹ گروپوں کے بڑھتے ہوئے خطرے سے ہندوستانی مسلمانوں اور عیسائیوں کی نسل کشی کا خطرہ ہے۔  انہوں نے ریاستی دہشت گردی کی مخالفت کرنے اور اس کی بنیادی وجوہات جیسے غربت، ناانصافی اور غیر ملکی قبضے کو دور کرنے کے علاوہ حقیقی آزادی کی جدوجہد کو دہشت گردی سے ممتاز کرنے کی ضرورت پر زور دیا۔  وزیراعظم نے کہا کہ ترقی کا دارومدار امن پر ہے۔

انہوں نے کہا کہ پاکستان دنیا کے سب سے کم معاشی طور پر مربوط خطے میں واقع ہے اور اس کا خیال ہے کہ خطہ مل کر ترقی کرتا ہے۔ انہوں نے کہا کہ اس لیے پاکستان بھارت سمیت اپنے تمام پڑوسیوں کے ساتھ پرامن اور نتیجہ خیز تعلقات کا خواہاں ہے۔

انہوں نے کہا کہ کشمیر پاکستان اور بھارت کے درمیان امن کی کلید ہے۔ جموں و کشمیر کا تنازع سلامتی کونسل کے ایجنڈے پر سب سے پرانا مسئلہ ہے۔ انہوں نے اس بات پر افسوس کا اظہار کیا کہ بھارت نے سلامتی کونسل کی قراردادوں پر عمل درآمد سے گریز کیا ہے، جس میں جموں و کشمیر کے حتمی فیصلے کا اقوام متحدہ کے زیر نگرانی رائے شماری کے ذریعے اس کے عوام کو فیصلہ کرنے کا مطالبہ کیا گیا ہے۔ 

 خاص طور پر 5 اگست 2019 سے غیر قانونی طور پر مقبوضہ جموں و کشمیر میں بھارتی مظالم کا ذکر کرتے ہوئے، وزیر اعظم نے اقوام متحدہ کی سلامتی کونسل سے مطالبہ کیا کہ وہ تنازعہ کشمیر پر اپنی قراردادوں پر عمل درآمد کو یقینی بنائے۔

انہوں نے تجویز دی کہ بھارت اور پاکستان کے لیے اقوام متحدہ کے فوجی مبصر گروپ کو مزید تقویت دی جائے۔ انہوں نے عالمی طاقتوں پر زور دیا کہ وہ نئی دہلی کو اس بات پر قائل کریں کہ وہ اسلام آباد کی جانب سے اسٹریٹجک اور روایتی ہتھیاروں پر باہمی تحمل کی پیشکش کو قبول کرے۔

رپورٹ کے مطابق ورلڈ کپ  اگلے ماہ بھارت میں شروع ہونے جا رہا ہے جس میں پاکستان اور بھارت سمیت 10 ٹیمیں شریک ہیں، 10 ٹیموں کو دو گروپس میں تقسیم کیا گیا ہے۔

آئی سی سی کرکٹ ورلڈ کپ 2023 کی انعامی رقم کا بھی اعلان کر دیا گیا ہے ، ورلڈ کپ کی فاتح ٹیم کو 40 لاکھ ڈالر کی رقم انعام کی مد میں دی جائے گی ۔

فائنل کی رنرز اپ ٹیم کو 20 لاکھ ڈالرز اور سیمی فائنل کھیلنے والی ٹیموں کو 8 ، 8 لاکھ ڈالرز کی رقم دی جائے گی ۔

آئی سی سی کرکٹ ورلڈ کپ2023 کی انعامی رقم کااعلان کر دیا گیا#GNN #NewsUpdates #BreakingNews #GNN_Updates pic.twitter.com/5qJHlHBFY0

— GNN (@gnnhdofficial) September 22, 2023

ٹورنامنٹ کا پہلا میچ 5 اکتوبر کو ہو گا جبکہ پاکستانی ٹیم اپنا پہلا میچ 6 اکتوبر کو نیدر لینڈ کے خلاف کھیلے گی ، پاک بھارت ٹاکرا 14 اکتوبر کو احمد آباد میں ہو گا۔

ورلڈ کپ کے دوران مجموعی طور پر 48 میچز کھیلے جائیں گے اور فائنل 19 نومبر 2023 کو ہو گا۔

پیپلز پارٹی نے گورنر سندھ کو عہدے سے ہٹانے کے لیے الیکشن کمیشن سے رجوع کرلیا ۔

پیپلیز پارٹی کا کہنا ہے کہ گورنر سندھ کامران ٹیسوری صاف اور شفاف الیکشن کی راہی میں رکاوٹ بن سکتے ہیں ، گورنر سندھ اپنے عہدے کی وجہ سے الیکشن پر اثر انداز ہو سکتے ہیں ۔

میڈیا ذرائع کے مطابق پیپلز پارٹی نے مؤقف اپنایا کہ آئینی اعتبار سے گورنر سندھ کی سیاسی سر گرمیان غیر آئینی ہیں ۔

پیپلز پارٹی کا گورنر سندھ کامران ٹیسوری کیخلاف الیکشن کمیشن سے رجوع کرنے پر غور#GNN #NewsUpdates #BreakingNews #GNN_Updates pic.twitter.com/aDYYfs2X6F

— GNN (@gnnhdofficial) September 22, 2023

دوسری جانب پیپلز پارٹی کے وفد نے الیکشن سے متعلق اپنے تحفظات کو الیکشن کمیشن کے سامنے رکھ دیا ۔

پیپلز پارٹی سندھ کا کہنا ہے کہ کامران ٹیسوری کا تعلق ایم کیو ایم سے ہے اور الیکشن میں کسی بھی لاقانونیت سے بچنے کے لیے کامران ٹیسوری کو عہدے سے ہٹایا جائے ۔