کثیر ملکی عسکری مشق ”ایسز میٹ 1-2021“ اختتام پزیر، ترجمان پاک فضائیہ

ترجمان پاک فضائیہ کے مطابق  کثیر ملکی عسکری مشق ”ایسز میٹ 1-2021“ اختتام پزیر ہو گئیں ، اختتامی تقریب کے مہمانِ خصوصی ائیر کموڈور علی نعیم ظہور، بیس کمانڈر پی اے ایف بیس مصحف  تھے۔پاکستان میں تعینات سعودی عرب کے سفیر عزت مآب نواف سعید المالکی کی بطور گیسٹ آف آنر تقریب میں شرکت۔

ائیر کموڈور علی نعیم نے کہا کہ  عسکری مشق ایسز میٹ نے ہمیں ایک دوسرے کے تجربات سے استفادہ حاصل کرنے کا موقع فراہم کیا ہے۔ ہم دوست اور اتحادی ہونے کے ناطے ایک دوسرے کے شانہ بشانہ کھڑے ہیں۔

سعودی سفیر نواف سعید المالکی نے کہا کہ  موجودہ کووڈ 19 صورتحال کے باوجود کامیاب عسکری مشقوں کے انعقاد پر پاک فضائیہ کا شکریہ ادا کرتا ہوں۔

ترجمان پاک فضائیہ کے مطابق  امریکی ائیر اتاشی کرنل والن ڈیوڈ کی مشقوں کی کامیاب تکمیل پر پاک فضائیہ کو مبارکباد دی۔ ایسز میٹ 1-2021 مشقوں میں پاک فضائیہ، امریکی فضائیہ اور سعودی فضائیہ نے بھرپور گرمجوشی سے حصہ لیا۔ مصر، اردن اور بحرین کی فضائیہ کو بطور مبصر مشقوں میں شرکت کی دعوت دی گئی تھی۔