چینی اسکینڈل : جہانگیر ترین اور ان کے خاندان کے 36 اکاؤنٹس منجمد

تفصیلات کے مطابق ذرائع کا کہنا ہے کہ اکاؤنٹس ایف آئی اے لاہور کی درخواست پر  منجمد کیے گئے ہیں،  9 سرکاری اور نجی بینکوں نے جہانگیر ترین اور ان کے خاندان کے 36 اکاؤنٹس منجمد کر دیے ہیں۔  ان میں علی ترین کے 21، جہانگیر ترین کے 14 اور ان کی اہلیہ آمنہ ترین کا ایک اکاؤنٹ شامل ہے۔

ذرائع کا بتانا ہے کہ اکاؤنٹس جہانگیر ترین گروپس کی مبینہ منی لانڈرنگ، غیر قانونی شیئرز کی خرید و فروخت، فراڈ اور  سٹہ مافیا سے تعلق ہونے پر  منجمد کیے گئے۔ جہانگیر ترین اور ان کے خاندان کے 4 امریکی ڈالرز، دو برطانوی پاؤنڈز اور 30 پاکستانی کرنسی کے اکاؤنٹس منجمد کیے گئے ہیں۔ذرائع نے یہ بھی کہا ہے کہ ان اکاؤنٹس میں کروڑوں روپے کی رقم موجود ہے۔

واضح رہے کہ تحریک انصاف کے رہنما  جہانگیر ترین اوران کے بیٹے  علی ترین   پر  منی لانڈرنگ اور فراڈ کے تین  مقدمات درج کیے گئے  ہیں ،   عدالت نے جہانگیر ترین اوران کے بیٹے علی ترین  نے 10اپریل تک عبوری ضمانتیں منظور کررکھی ہیں ۔ایف آئی اے نے  سوا تین ارب روپے کے مالیاتی فراڈ  اور منی لانڈرنگ پر جہانگیر ترین اور فیملی کے دیگر افراد پر مقدمہ درج کیا  تھا ۔