وزیراعظم نے ایل ڈی اے سٹی نیاپاکستان اپارٹمنٹس منصوبےکاسنگ بنیادرکھ دیا

تفصیلات کے مطابق وزیراعظم عمران خان نے نیا پاکستان اپارٹمنٹس کے سنگ بنیاد کی تقریب سے خطاب کرتے ہوئے کہا کہ وزیراعلیٰ پنجاب کو مبارکباد پیش کرتا ہوں ، آپ کے سامنے اپنی خوشی کا اظہار کرنا چاہتا ہوں۔ نیا پاکستا ن منصوبے سے متعلق قانون پاس کرنے میں 2 سال لگے،  مورگیج فنانسنگ صفر اعشاریہ دو فیصد تھی، اگر آپ کے پاس کیش نہیں تو آپ گھرخرید نہیں سکتے، بنا نہیں سکتے تھے ، دنیا بھر میں بینکوں سے قرضہ لیکر گھر بنانے کا رواج ہے ۔ منصوبے سے متعلق قانون پاس نہ ہوتا تو بینک پیسے نہ دیتے، قانون پاس کرنے پر عدلیہ کا مشکور ہوں۔

انہوں نے کہاکہ  کسی سسٹم میں برائی، کرپشن اور رکاوٹیں آجاتی ہیں تو تبدیلی میں وقت درکار ہوتا ہے، اس منزل تک پہنچنے کےلیے مختلف مراحل طے کیے، پرانے نظام سے فائدہ حاصل کرنیوالے رکاوٹیں ڈالتے ہیں، وہ رکاوٹیں نہیں ڈالے گا تو پیسہ کیسے بنائے گا۔ہم نے اپنی آنکھوں سے نظام خراب ہوتے دیکھا ہے۔

وزیراعظم نے کہا کہ برطانیہ میں کوئی قانون سے بالاتر نہیں ہے، پاکستان میں بڑے بڑے سیاسی مافیا ز قانون کی بالادستی کےخلاف مزاحمت کررہےہیں، لیکن کوئی خود کو قانون سے بالاتر نہ سمجھے، بڑے سے بڑے مافیاز کو قانون کے نیچے لارہے ہیں۔  انہوں نے کہا کہ ریاست کی ذمہ داری کمزور طبقے کی ضروریات پورا کرنا ہے،ہیلتھ کارڈ بہت اہم قدم ہے، سال کے اختتام تک تمام شہریوں کو ہیلتھ کوریج ملے گی، ترقی یافتہ ملکوں میں بھی اس طرح کی کوریج نہیں ہے۔ ایل ڈی اے کے نظام میں بہتری آئی ہے، تعمیرا ت کے شعبے میں بہتری سے روزگار کے مواقع پیدا ہوں گے، جون تک سو فیصد ڈیٹا مل جائے گا، غریب خاندانوں کی براہ راست مدد کریں گے، ملک میں قانون سے کوئی بالاتر نہیں، ہماری اولین ترجیح غریب کی فلاح و بہبود ہے۔

Prime Minister @ImranKhanPTI inspected and performed groundbreaking of LDA City Naya Pakistan Apartments in Lahore. He was given briefing on the project.

Later, the PM also addressed the ceremony.#نیا_پاکستان_ہاؤسنگ pic.twitter.com/MwLxjF9wHJ

— Prime Minister's Office, Pakistan (@PakPMO) April 9, 2021

خیال رہے کہ لاہور ڈویلپمنٹ اتھارٹی نیاپاکستان ہائوسنگ اینڈڈویلپمنٹ اتھارٹی کے اشتراک سے منصوبے کے تحت 35ہزارچوبیس اپارٹمنٹس تعمیرکرے گی۔