شہید محترمہ بینظیر بھٹو کی  پندرہویں برسی آج منائی جائے گی

 پیپلز پارٹی کے چیئرمین ووزیر خارجہ بلاول بھٹو زرداری نے بھی جیالوں کو برسی میں پہنچنے کیلئے کہہ دیا ،گڑھی خدا بخش میں بڑے جلسے کیلئے پنڈال سج گیا۔ آج بڑا جلسہ ہوگا، پارٹی کے دیگر رہنما بھی لاڑکانہ پہنچ گئے،شمعیں روشن کر دی گئیں۔

پاکستان کی پہلی خاتون وزیر اعظم اور پیپلز پارٹی کی چیئرپرسن بینظیر بھٹو کی شہادت کو 15سال بیت گئے ، برسی کی مرکزی تقریب کیلئے گڑھی خدا بخش میں پنڈال سجا دیاگیا ہے، آج بڑا جلسہ ہوگا ، پارٹی قائدین اور ملک بھر سے کارکنوں کی بڑی تعداد لاڑکانہ پہنچ چکی ۔

وزیر اطلاعات سندھ شرجیل میمن کا کہنا تھا کہ  شہید بی بی کو خراج عقیدت پیش کرنے کیلئے جیالے جمع ہوں گے۔

پییلزپارٹی کے مرکزی رہنما اور وفاقی وزیر سید خورشید شاہ نے کہا کہ یہ خاندان شاید پیدا ہی شہادت کیلئے تھا ، صوبائی وزیر ناصر شاہ  کا کہنا تھا کہ بی بی شہید کی عظمت و ہمت کو سلام پیش کریں گے ۔