جنید صفدر اعوان نے مستقل پاکستان میں آباد ہونے کا فیصلہ کر لیا

 مسلم لیگ ن کی سینئر نائب صدر مریم نواز کے بیٹے جنید صفدر اعوان نے مستقبل میں پاکستان میں آباد ہونے کا فیصلہ کر لیا۔جنید صفدر اعوان اپنی اہلیہ عائشہ کے ہمراہ جمعہ کو دوحا سے پاکستان پہنچیں گے۔

میڈیا رپورٹس کے مطابق جنید صفدر اعوان مریم نواز کی سیاست میں مدد کرنا چاہتے ہیں۔مریم نواز کو حال ہی میں پارٹی میں اہم ذمہ داریاں سونپی گئی ہیں۔ 

وفاقی وزیر اطلاعات مریم اورنگزیب نے بتایا ہے کہ مریم نواز شریف جنوری کے تیسرے ہفتے میں وطن واپس آئیں گی۔ بدھ کوٹوئٹر پر اپنے پیغام میں مریم اورنگزیب نے مریم نواز کی واپسی کا وقت بتاتے ہوئے کہا کہ مریم نواز سرجری کیلئے لندن سے جنیوا روانہ ہوگئی ہیں،

قائد مسلم لیگ ن نواز شریف بھی مریم نواز کے ساتھ ہیں، مریم نواز جنوری کے تیسرے ہفتے میں وطن واپس پہنچ کر پارٹی کی چیف آرگنائزر کی ذمہ داریاں سنبھالیں گی۔ 

علاوہ ازیں ن لیگ کی کی چیف آرگنائزر و سینئر نائب صدر مریم نواز شریف نے بڑا فیصلہ کرتے ہوئے پارٹی انتظامی عہدوں کی کارکردگی رپورٹ طلب کر لی ۔

 مریم نواز شریف (ن) لیگ کی چیف آرگنائزر کے طور پر تمام پارٹی انتظامی عہدوں کی کارکردگی کو دیکھ کر اہم فیصلے کریں گی۔ذرائع کا کہنا ہے کہ مریم نواز کی جانب سے پارٹی انتظامی عہدوں کی کارکردگی کی بنیاد پر اہم تبدیلیاں بھی عمل میں لائی جائیں گی، مریم نواز کا رواں ماہ کے آخری ہفتے میں پاکستان آنے کا امکان ہے۔ 

مریم نواز کی واپسی کے بعد ان کے صاحبزادے جنید صفدر بھی سیاست میں متحرک ہو جائیں گے۔ذرائع کا خیال ہے کہ جنید صفدر کے سیاسی میدان میں اترنے سے نوجوان لیگی سپورٹرز بھی متحرک ہو جائیں گے اور نوجوان سپورٹرز کے لیے اچھی بات ثابت ہو گی۔