این اے 75 ڈسکہ ضمنی الیکشن ،مسلم لیگ ن نے میدان مار لیا

تفصیلات کے مطابق  این اے 75 ڈسکہ ضمنی الیکشن میں 360 پولنگ اسٹیشنز کا غیر حتمی غیر سرکاری نتیجہ آگیا۔مسلم لیگ  ن کی سیدہ نوشین 111220 ووٹ لیکر آگے  ہیں جبکہ  پی ٹی آئی کے علی اسجد ملہی92019  ووٹ لیکر پیچھے ہیں ۔

 غیر حتمی غیر سرکاری نتائج  کےمطابق سیدہ نوشین کو19201 ووٹوں کی برتری سے فاتح قرار دے دی گئیں ۔

مریم نواز کا ٹوئیٹ میں کہنا ہے کہ   " نواز شریف کا بیانیہ جیت گیا۔ جب بھی منصفانہ الیکشن ہونگےجیت شیرکی ہی ہوگی۔نواز شریف کی سیاست ختم کرنے والے یاد رکھیں نواز شریف ایک نظریےکا نام ہے جو عوام کے دلوں میں گھر کر چکا ہے۔ اس جعلی حکومت کے دن گنے جاچکے، وہ دن دور نہیں جب اس ملک میں عوام کی حکمرانی ہوگی، جعلسازوں کی نہیں۔"

نواز شریف کا بیانیہ جیت گیا۔ جب بھی منصفانہ الیکشن ہونگےجیت شیرکی ہی ہوگی۔نواز شریف کی سیاست ختم کرنے والے یاد رکھیں نواز شریف ایک نظریےکا نام ہے جو عوام کے دلوں میں گھر کر چکا ہے۔ اس جعلی حکومت کے دن گنے جاچکے، وہ دن دور نہیں جب اس ملک میں عوام کی حکمرانی ہوگی، جعلسازوں کی نہیں۔

— Maryam Nawaz Sharif (@MaryamNSharif) April 10, 2021

حلقے میں پولنگ کا آغاز صبح 8 بجے ہوا اور پولنگ کا عمل شام 5 بجے تک بغیر وقفے کے جاری رہا۔حلقے میں سیکیورٹی کے سخت ترین انتظامات کئے گئے ہیں، 40 پولنگ اسٹیشنوں کو حساس قرار دیا گیا تھا، پولیس کے ساتھ رینجرز اہلکاروں کو بھی تعینات کیے گئے تھے۔

حلقے میں کل ووٹرز کی تعداد4 لاکھ 94ہزار ہے جن کے لیے 360 پولنگ اسٹیشنز قائم کیے گئے تھے جب کہ الیکشن میں سکیورٹی کے لیے پولیس کے 4100 سے زائد اور رینجرز کے ایک ہزار سے زائد اہلکار تعینات کیے گئے، اس کے علاوہ پاک فوج کی 10 ٹیمیں کوئیک رسپانس فورس کےطورپرموجود ہیں۔