35سال پرانی مشہور ویڈیو گیم 10 کروڑ روپے میں فروخت

غیر ملکی خبر رساں ایجنسی کے مطابق سپرماریو برادرز کی 35 سالہ پرانی گیم کارٹریج 6 لاکھ 60 ہزار ڈالر میں فروخت ہوئی جو پاکستانی تقریبا 10 کروڑ روپے بنتے ہیں۔اسے ڈیجیٹل ویڈیو گیم کی تاریخ میں سب سے مہنگی فروخت ہونے والی گیم کہا جا سکتا ہے۔

ڈیلاس میں واقع نیلامی کمپنی کے مطابق سپرماریو برادرز کی گیم کارٹریج (کیسٹ) 1986 میں کرسمس پر تحفے کے لیے خریدی گئی تھی اور یہ دفتر کے دراز میں رکھی تھی۔ اسے استعمال ہی نہیں کیا گیا اور یہ اتنا عرصہ دراز میں ہی پڑی رہی۔

اس گیم کا پہلا ورژن 1986 میں ریلیز کیا گیا تھا لیکن 1987 میں اس کی پیکنگ تبدیل کردی تھی اور یہی وجہ ہے کہ 1986 کی پیکنگ والے صرف چند گیم ہی موجود ہیں جو اب نایاب ترین شمار ہوتے ہیں۔ نیلام ہونے والا گیم دراصل 1986 کا ہی ہے، اسی وجہ سے وہ اتنی زیادہ قیمت میں فروخت ہوا ہے۔

ماہر ویلری مِک لیکی کے مطابق اس گیم کی کاپیاں بہت کم بنائی گئی تھیں ، یہی وجہ ہے کہ یہ سپرماریو برادرز کی یہ نایاب گیم کارٹریج اتنی زیادہ  قیمت  میں فروخت ہوئی۔