ملک میں فائیو G سپیکٹرم کی نیلامی کب ہو گی؟ تاریخ سامنے آ گئی

اسلام آباد: پاکستان ٹیلی کمیونیکشن اتھارٹی (پی ٹی اے) نے فائیو جی سپیکٹرم کی نیلامی 10 مارچ کو کرانے کا اعلان کر دیا۔

تفصیلات کے مطابق چیئرمین پاکستان ٹیلی کمیونیکیشن اتھارٹی حفیظ الرحمان کا کہنا ہے کہ بہتر کنیکٹیویٹی کے بغیر ڈیجیٹل پاکستان کا خواب ادھورا ہے، فائیوجی آکشن کے بعد انٹرنیٹ کے مسائل حل ہو جائیں گے۔

انہوں نے کہا کہ مارکیٹ میں 40 ہزار روپے میں بھی فائیو جی موبائل فون دستیاب ہیں، کمپنیاں قسطوں پر موبائل فون دینے کی سہولت شروع کر رہی ہیں۔

اس حوالے سےڈائریکٹر جنرل لائسنسنگ عامر شہزاد کا کہنا ہے کہ دنیا کے 101 ممالک فائیوجی سروس لانچ کر چکے ہیں، پاکستان میں فائیو جی سپیکٹرم کی نیلامی 10 مارچ کو ہوگی۔

ان کا مزید کہنا تھا کہ دیہی علاقوں میں لوڈشیڈنگ کی وجہ سے کنیکویٹی متاثر ہوتی ہے، نیا سپیکٹرم آنے سے سروس بہتر ہوگی۔