عدالت نے شیخ رشید کو 2 روزہ جسمانی ریمانڈ پرپولیس کے حوالے کردیا

عدالت نے شیخ رشید کو 2 روزہ جسمانی ریمانڈ کیلئے پولیس کے حوالے کر دیا۔ شیخ رشید کا جسمانی ریمانڈ کے حوالے سے جوڈیش نل مجسٹریٹ عمر بشیر نے فیصلہ محفوظ کیا تھا۔

عدالت نے پراسیکیوٹر کی درخوست پر شیخ رشید کا 8 روزہ جسمانی ریمانڈ کو مسترد کر دیا۔

سابق صدر آصف علی زرداری پر عمران خان کو قتل کرنے کی سازش سے متعلق کیس میں گرفتار سربراہ عوامی مسلم لیگ شیخ رشید احمد کو آج بروز جمعرات 2 فروری کو اسلام آباد کی ایف 8 کچہری پہنچایا گیا۔

عدالت نے فریقین کے دلائل سننے کے بعد شیخ رشید کو 2 روزہ جسمانی ریمانڈ پرپولیس کے حوالے کردیا ہے۔

اسلام آباد کی عدالت نے عوامی مسلم لیگ کے سربراہ شیخ رشید کے جسمانی ریمانڈ کے حوالے سے فیصلہ محفوظ کرلیا ہے جو پونے پانچ بجے سنایا جائے گا۔ 

رات سے گرفتار شیخ رشید کو پولیس نے جسمانی ریمانڈ کے لیے ہتھکڑی لگا کر عدالت میں پیش کیا جس پر شیخ رشید اور پولیس اہلکاروں کے درمیان تلخ کلامی بھی ہوئی۔ 

شیخ رشید نے عدالت میں کہا کہ عمران خان نے کہاکہ ان کے پاس ثبوت ہیں کہ آصف زرداری انہیں مارنا چاہتاہے۔ میں نے کہا کہ عمران خان کے پاس آصف  زرداری کیخلاف ثبوت ہیں۔ عمران خان نے جو کہا میں اس کو درست سمجھتاہوں۔ گرفتاری کی بجائے مجھ پر ہتک عزت کا کیس کریں۔