انتخابات کی تاریخ دیں،صدر مملکت نے الیکشن کمشنر کو خط لکھ دیا

اسلام آباد: صدر مملکت عارف علوی نے کہا ہے کہ الیکشن کی تاریخ کا فوری اعلان کریں ، آئین تاخیر کی اجازت نہیں دیتا،الیکشن کمیشن فرائض کی ادائیگی میں ناکام رہا تو آئین کی خلاف ورزی کا ذمہ دار اور جوابدہ ٹھہرایا جائے گا۔

صدر مملکت نے چیف الیکشن کمشنراور ممبران کو آئین کے تحت حلف کے مطابق بنیادی ذمہ داری کی یاددہانی کرائی، آئین آرٹیکل 224 اسمبلیاں تحلیل ہونے کے 90دن میں الیکشن کرانے پرزور دیتا ہے ، 

صدر مملکت عارف علوی کا خط میں پنجاب اور خیبر پختونخوا کی اسمبلیوں کی تحلیل کا حوالہ دیتے ہوئے فوری انتخابات کی تاریخ کا اعلان کیا جائے۔
الیکشن کمیشن انتخابات کا اعلان کرے تاکہ قیاس آرائیوں پر مبنی پروپیگنڈے کو ختم کیا جاسکے، 

صدر مملکت نے کہا کہ الیکشن کمیشن نے قومی اسمبلی کے مختلف حلقوں میں ضمنی الیکشن کا اعلان کرکے آئینی قدم اٹھایا ہے۔

عارف علوی نے سابق امریکی صدر ابراہم لنکن کا حوالہ دیتے ہوئے کہا کہ  امریکہ نے 1812 میں برطانیہ کے ساتھ جنگ کے باوجود انتخابات کرائے1864 میں خانہ جنگی کے دوران بھی انتخابات کو معطل کرنے کا نہیں سوچا، دنیا کی پرانی جمہوریتوں نے جنگوں کے دوران بھی انتخابات میں کبھی تاخیر نہیں کی۔