پنجاب اور خیبر پختونخوا کے مختلف شہروں میں زلزلے کےشدید جھٹکے،لوگوں میں خوف ہراس

ویب ڈیسک: پنجاب اور خیبر پختونخوا کے مختلف شہروں میں زلزلے کے جھٹکے محسوس کیے گئے ہیں  زلزلے کے باعث شہریوں میں شدید خوف و ہراس پھیل گیا اور لوگ افطار چھوڑ کر کلمہ طیبہ کا ورد کرتے ہوئے افطاری چھوڑ کر کھلے مقامات پر نکل آئے۔

زلزلہ پیما مرکز کے مطابق خیبر پختونخوا میں دیر بالا، کرم، نوشہرہ، ایبٹ آباد، مردان، صوابی، تخت بھائی ،شانگلہ، خیبر، ملاکنڈ اور پشاور سمیت صوبے کے طول و عرض میں زلزلے کے واضح جھٹکے محسوس کیے گئے۔

زلزلہ پیما مرکز کی رپورٹ کے مطابق ریکٹر اسکیل پر زلزلے کی شدت 5.6 ریکارڈ کی گئی جبکہ اس کی زیرِ زمین گہرائی 73 کلومیٹر تھی،جبکہ اس کا مرکز افغانستان کا ہندوکش ریجن بتایا گیا ہے۔

ابتدائی اطلاعات کے مطابق اب تک کسی جانی یا مالی نقصان کی اطلاع موصول نہیں ہوئی تاہم انتظامیہ نے تمام متاثرہ اضلاع سے تفصیلی معلومات اکھٹی کرنے کا عمل شروع کر دیا ہے۔

حکام نے شہریوں کو ہدایت کی ہے کہ وہ افواہوں پر کان نہ دھریں اور کسی بھی ممکنہ آفٹر شاک کی صورت میں محفوظ مقامات پر رہیں اور ہسپتالوں سمیت ریسکیو اداروں کو ہائی الرٹ پر رکھا گیا ہے تاکہ کسی بھی ہنگامی صورتحال سے بروقت نمٹا جا سکے۔