اعظم سواتی کی ضمانت منسوخی کےلیے درخواست سماعت کےلیے مقرر

اعظم سواتی کی ضمانت منسوخی کی درخواست راولپنڈی میں ان کے تقریرکے بعد دائرکی گئی ہے۔ مذکورہ تقریرکا ٹرانسکرپٹ اور یوایس بی درخواست کے ساتھ منسلک کیا گیا ہے۔

درخواست میں موقف اپنایا گیا ہے کہ اعظم سواتی نے راولپنڈی میں اداروں سے متعلق متنازع گفتگو کی ہے۔ چیف جسٹس اسلام آباد ہائیکورٹ عامرفاروق کل ایف آئی اے کی درخواست پر سماعت کریں گے۔

خیال رہے کہ متنازع ٹویٹس کیس میں ایف آئی اے سائبر کرائم اسلام آباد نے سینیٹر اعظم سواتی کیخلاف مقدمہ درج کیا تھا۔ اعظم سواتی کو اسلام آباد ہائیکورٹ نے ضمانت پر رہائی کا حکم دیا تھا۔ عدالت نے ضمانت منظوری میں کہا تھا کہ جرم دہرانے پر ضمانت منسوخی ہوگی۔