عمران خان لاہور ہائیکورٹ میں پیشی کیلئے زمان پارک سے روانہ

لاہور: حفاطتی ضمانت کیلئے عمران خان  لاہور ہائیکورٹ میں پیشی کیلئے زمان پارک سے روانہ ہوگئے ہیں ۔

لاہور ہائیکورٹ نے عمران خان کو حفاظتی ضمانت کی درخواست پر ساڑھے 6 بجے تک عدالت پیش ہونے کا حکم دیدیا،عدالت نے کہاکہ عمران خان حاضر نہ ہوئے تو درخواست خارج کردی جائے گی۔

تفصیلات کے مطابق لاہو ر ہائیکورٹ میں عمران خان کی حفاظتی ضمانت کی دوسری درخواست پر سماعت ہوئی ، وکیل عمران خان نے کہاکہ عدالت سے استدعا ہے پارٹی لیڈر شپ عمران خان کو پیش کرنے پر رضا مند نہیں ، میں عمران خان کو لے آتا ہوں مگر پارٹی لیڈرشپ نہیں مانتی،عدالت نے کہاکہ آپ لیڈر شپ کو کیوں دیکھ رہے ہیں ۔

وکیل عمران خان نے کہاکہ میں اپنی ذمہ داری پر بلاتا ہوں ، کچھ ہو جاتا ہے تو لوگ مجھے جینے نہیں دیں گے،عدالت نے کہاکہ 2 آپشن ہیں ، ہم اس درخواست کو خارج کریں یا آپ واپس لے لیں، وکیل عمران خان نے کہاکہ ہمیںصرف طالبان سے ایشو ہے، سیکورٹی خدشات ہیں ، آپ آئی جی کو سکیورٹی سے متعلق کہہ دیں ہم ابھی بلا لیتے ہیں،عدالت ایک گھنٹہ دے دے تو ہم عمران خان کو لے آتے ہیں ۔

عدالت نے کہاکہ ویڈیو لنک کاآئیڈیا اچھا ہے لیکن رولز بنانے ہیں،لاہور ہائیکورٹ نے عمران خان کو ساڑھے 6 بجے پیش ہونے کا حکم دیدیا،عدالت نے کہاکہ عمران خان حاضر نہ ہوئے تو درخواست خارج کردی جائے گی ،آپ درخواست واپس لے لیں، جب عمران خان ٹھیک ہوں تو دوبارہ دائر کردیں ۔

حسان نیازی نے عمران خان کی عدالت میں پیش ہونے کی یقین دہانی کرادی، حسان نیازی نے کہاکہ عمران خان ساڑھے 6 بجے تک پیش ہو جائیں گے ۔