بارکھان میں دھماکا، 4 افراد جاں بحق جبکہ 12 زخمی

بلوچستان کے ضلع بارکھان کے علاقے رکھنی بازار میں دھماکا، 4 افراد جاں بحق جبکہ 12 زخمی ہوئے ہیں۔حکام کے مطابق دھماکا بارکھان کے رکنی بازار میں صبح کے اوقات میں ہوا، جب لوگ خریداری کیلئے جائے وقوع پر موجود تھے۔

 پولیس کا کہنا ہے کہ دھماکے میں 4 افراد جان بحق جبکہ 12 زخمی ہیں۔پولیس کے مطابق دھماکے کی نوعیت کا تعین کیا جا رہا ہے جبکہ عینی شاہدین کا کہنا ہے کہ دھماکا خیز مواد موٹرسائیکل میں نصب کیا گیا تھا۔سکیورٹی اداروں نے علاقے کو گھیرے میں لے کر سرچ آپریشن شروع کر دیا ہے اور شواہد جمع کر کے تحقیقات شروع کر دی گئی ہیں۔

دھماکے پر وزیر اعلیٰ بلوچستان،بلاول بھٹو،وفاقی وزیر داخلہ سمیت مختلف سیاستدانوں نے شدید مذمت کا اظہار کیا ہے۔

رانا ثناء اللہ نے دھماکے کی رپورٹ بھی طلب کرہوئے کہا کہ دہشت گرد بلوچستان میں امن اور ترقی کے دشمن ہیں، دہشتگرد اپنے مذموم مقاصد میں کبھی کامیاب نہیں ہونگے، اللہ تعالیٰ دہشت گرد حملے میں شہید ہونے والوں کے درجات بلند کرے اور انکے لواحقین کو صبر جمیل عطا کرے۔